December 31, 2020 
தண்டோரா குழு
புத்தாண்டை வரவேற்கும் விதமாக நாளை முதல் தமிழகத்தில் உள்ள சுங்கச்சாவடிகளில் கட்டணங்களை ரத்து செய்ய வேண்டும் என விவசாயிகள் கோரிக்கை விடுத்துள்ளனர்.
தமிழகத்தில் உள்ள சுங்கச்சாவடிகளில் கட்டணங்கள் வசூல் செய்வதால் விவசாயிகள் தங்களது வேளாண் பொருட்களை எடுத்து செல்லவும், விவசாயிகள் மற்றும் பொதுமக்கள் சென்று வர மிகவும் சிரமமாக உள்ளது. கோவை மாவட்டத்தில் நீலாம்பூர் முதல் வாளையார் வரை உள்ள சுங்க சாவடிகளை முற்றிலும் அகற்ற வேண்டும் என விவசாயிகள் தொடர்ந்து கோரிக்கை வைத்து வருகின்றனர்.
கோவை கனியூர் சுங்கச்சாவடியில் கட்டணம் செலுத்திவிட்டு செல்லும் வாகனங்கள் அடுத்த 5 நிமிடத்தில் நீலாம்பூர், சுங்கச்சாவடியில் கட்டணம் செலுத்த வேண்டும். அதே போல் திருச்சி ரோடு அருகில் உள்ள சுங்கசாவடி, பொள்ளாச்சி ரோடு அருகில் உள்ள சுங்கசாவடி, மதுக்கரை வரை 6 இடங்களில் சுங்கசாவடி கட்டணங்கள் செலுத்த வேண்டியுள்ளது. சாலை பராமரிப்பு மற்றும் விரிவாக்கம் இல்லாமல்லேயே ஒப்பந்தகாலக்கெடு முடிந்த பின்னரும் தனியார் நிர்வாகம் சுங்கசாவடி வசூல் செய்து வருகிறது என விவசாயிகள் குற்றச்சாட்டு வைத்து வருகின்றனர்.
இதுகுறித்து தமிழ்நாடு விவசாயிகள் சங்க மாவட்ட தலைவர் சு.பழனிசாமி கூறுகையில்,
‘‘இந்த 2021ம் ஆண்டு விவசாயிகளுக்கு ஆதரவான ஆண்டாக அமைய மத்திய, மாநில அரசுகள் நடவடிக்கை எடுக்க வேண்டும். டெல்லியில் போராடி வரும் விவசாயிகளின் கோரிக்கையான 3 வேளாண் சட்டங்களையும் திரும்ப பெற வேண்டும். நாடு முழுவதும் நதிகள் இணைக்கப்பட வேண்டும். அதன் மூலம் உணவு உற்பத்தியை பெருக்க வேண்டும். நம் நாட்டில் உள்ள அனைத்து வேளாண் வளங்களையும் முழுமையாக பயன்படுத்திக் கொள்ள வேண்டும். போராடி பெற்ற மின்சார திட்டங்கள் மீண்டும் கிடைக்க வேண்டும். சுங்கச்சாவடிகளால் விவசாயிகள் மிகுந்த அவதியடைந்து வருகின்றனர். நாட்டின் முதுகு எலும்பான விவசாயிகளுக்கு சுங்கச்சாவடி கட்டணங்களை ரத்து செய்ய வேண்டும்,’’ என்றார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
