December 29, 2020 
தண்டோரா குழு
கோவை மாவட்டம் பேரூர் செட்டிபாளையம் ஊராட்சி, ஆலாந்துறை பேரூராட்சி, இக்கரை போளுவாம்பட்டி ஊராட்சி ஆகிய பகுதிகளில் முதலமைச்சரின் அம்மா மினி கிளினிக்குகளை உள்ளாட்சித்துறை அமைச்சர் எஸ்.பி.வேலுமணி திறந்து வைத்தார். பின்னர் ரூ.2000 மதிப்பிலான அம்மா தாய் சேய் நல ஊட்டச்சத்து பெட்டகங்களை, 43 கர்ப்பிணி தாய்மார்களுக்கு வழங்கினார்.
பின்னர் அமைச்சர் எஸ்.பி வேலுமணி தெரிவித்ததாவது:
கோவை மாவட்டத்திற்கு 70 அம்மா மினி கிளினிக்குகளை முதலமைச்சர் வழங்கியுள்ளார். அதன்படி கோவை மாவட்டத்தில் முதற்கட்டமாக மாநகரப்பகுதி மற்றும் ஊரகப்பகுதிகளில் மினிகிளினிக்குகள் துவங்கப்பட்டு வருகிறது. அதனடிப்படையில் பேரூர் செட்டிபாளையம் ஊராட்சி, ஆலாந்துறை பேரூராட்சி, இக்கரைபோளுவாம்பட்டி ஊராட்சி ஆகிய பகுதிகளில் முதலமைச்சரின் அம்மா மினி கிளினிக்குள் திறந்து வைக்கப்பட்டுள்ளன.
மினி கிளினிக்கில் மருத்துவப் பரிசோதனை செய்த பின்னர் உடனுக்குடன் மருந்து மாத்திரைகள் வழங்கப்படும். சர்க்கரை நோயாளிகளுக்கான மருந்துகள், உயர் ரத்த அழுத்த மருந்துகள், காய்ச்சல், சளி போன்றவற்றிற்கான மருந்துகள் போன்றவை மினி கிளினிக்கிலேயே வழங்கப்படும்.
இவ்வாறு அவர் தெரிவித்தார்.
அதனைத்தொடர்ந்து தொண்டாமுத்தூர் பேரூராட்சியில் ரூ.4.85 கோடி மதிப்பிலான பல்வேறு புதிய திட்டப்பணிகளுக்கு பூமிபூஜை செய்து பணிகளை துவக்கி வைத்தார். முடிவுற்ற திட்டப்பணிகளை பொதுமக்கள் பயன்பாட்டிற்கும் அமைச்சர் எஸ்.பி.வேலுமணி திறந்து வைத்தார்.
இந்நிகழ்ச்சியில் சட்டமன்ற உறுப்பினர் எட்டிமடை சண்முகம், மாவட்ட கலெக்டர் ராஜாமணி, மாவட்ட வருவாய் அலுவலர் ராமதுரைமுருகன் உட்பட பலர் கலந்து கொண்டனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
