December 13, 2020 
தண்டோரா குழு
மிகவும் புகழ்பெற்ற ஜேகே டயர் எப்எம்எஸ்சிஐ 23வது தேசிய சாம்பியன்ஷிப் கார் பந்தயம் கோவை செட்டிபாளையம் காரி மோட்டர் ஸ்பீட்வேயில் கடந்த வெள்ளிக்கிழமை துவங்கியது. 3 நாட்கள் நடைபெற்ற இந்த கார் பந்தயம் ஞாயிற்றுக்கிழமை நிறைவடைந்தது.
இந்த போட்டியில் பார்முலா எல்ஜிபி4 பிரிவில் சென்னையைசேர்ந்த அஸ்வின் தத்தா (டார்க் டான் ரேசிங்) மற்றும் ஜேகே டயர் நோவிஸ் கோப்பை போட்டியில் கோட்டயத்தைச் சேர்ந்த அமீர் சையது (எம்ஸ்போர்ட்) ஆகியோர் வெற்றி பெற்றனர்.பார்முலா எல்ஜிபி4 கார்களுக்கான தேசிய சாம்பியன்ஷிப் போட்டியின்3 பந்தயங்களிலும் முதலிடத்தை அடைய தனக்கான வாய்ப்பை மிகவும் அற்புதமாக பயன்படுத்தி அஸ்வின் 2 பந்தயங்களில் முதலிடம் பிடித்தார்.
ஞாயிற்றுக்கிழமை நடந்த போட்டியானது அஸ்வினுக்கு ஒரு சிறந்த தொடக்கமாக அமைந்தது. ஏனெனில் சனிக்கிழமை நடந்த இறுதிப் போட்டியில் முதலில் அவர் வெற்றி பெற்றதாக அறிவிக்கப்பட்டார். ஆனால் பின்னர் திருத்தப்பட்ட முடிவுகளில் அவர் 12வது இடத்தையும் இறுதியில் வெற்றியாளராக சரோஷும் அறிவிக்கப்பட்டனர்.இந்த நிலையில், ஞாயிற்றுக்கிழமை காலையில் துவங்கிய முதல் போட்டியில் அவர் திறமையாக காரை ஓட்டி முதலிடம் பிடித்தார். அதேபோல இரண்டாவது போட்டியிலும் கடுமையாக போராடி வெற்றி பெற்றார். அன்று நடைபெற்ற அனைத்து சுற்றுகளிலும் அவர் திறமையாக காரை ஓட்டி தனது வெற்றியை தக்கவைத்துக் கொண்டார்.
இந்த போட்டிகளில் விஷ்ணு பிரசாத் மற்றும் ராகுல் ரங்கசாமி ஆகியோரும் தங்களது திறமைகளை சிறப்பாக வெளிப்படுத்தினார்கள். போட்டி துவங்கியது முதல் மிகவும் விறுவிறுப்பாகவே இருந்தது. ஒருவரையொருவர் முந்திச் செல்வதற்கு கடுமையாக போராடினார்கள். 3வது பந்தயத்தில் 15வது சுற்றில் விஷ்ணு 6வது திருப்பத்தில் முன்னேற முயன்றார். இதன் காரணமாக அவரது கார் அஸ்வின் காருடன் உரசியது. இந்த வாய்ப்பை பயன்படுத்தி ராகுல் ரங்கசாமி முதலிடம் பிடித்தார். அவரைத் தொடர்ந்து சரோஷ் மற்றும் சந்தீப் ஆகியோர் 2வது மற்றும் 3வது இடத்தை பிடித்தனர்.3வது சுற்றில் தான் தோல்வி அடைந்தது அஸ்வின் தத்தாவுக்கு மிகுந்த ஏமாற்றத்தை அளித்தது. இந்த சம்பவத்தின் போது தனது அணியின் வீரர் விஷ்ணுவுக்கு வலது மணிக்கட்டில் காயம் ஏற்பட்டதால், ராகுல் அவரது வெற்றியை கொண்டாடும் மனநிலையில் இல்லை.நோவிஸ் கோப்பைக்கான 2 பந்தயங்களிலும் அமீர் சையது அனைத்து சுற்றுகளிலும் சிறப்பாக காரை ஓட்டி தனக்கான வெற்றியை தக்கவைத்துக் கொண்டார். இது அவரது 6வது வெற்றியாகும். அவரது வெற்றியானது வேகத்தோடு அவரது விவேகத்தையும் காட்டியது. பெண்கள் பிரிவில் எம்ஸ்போர்ட்டின் மீரா எர்டா வார இறுதியின் சிறந்த வீராங்கனையாக அறிவிக்கப்பட்டார்.
இதேபோல் பெண்களுக்கான நோவிஸ் கோப்பை பிரிவில் அஹுரா ரேசிங்கின் அனுஷிரியா குலாட்டி சிறந்த வீராங்கனையாக தேர்வு செய்யப்பட்டார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
