December 12, 2020 
தண்டோரா குழு
கோவை 86 வது வார்டு சௌகார் நகர் பகுதியில் உள்ள சாலையில் தேங்கியுள்ள குப்பையால், வாகன ஓட்டிகள்,மற்றும் அந்த பகுதி பொதுமக்கள் அவதிப்படுகின்றனர்.
கோவை தொண்டாமுத்தூர் தொகுதிக்கு உட்பட்ட 86 வது வார்டு சௌகார் நகர் பகுதியில், ஏராளமான வீடுகள் உள்ளன. மேலும், அந்த பகுதியை சுற்றி சிறிய கடைகள் கார் மற்றும் கனரக உதிரி பாகங்கள் விற்பனை செய்யும் கடைகள் உள்ளன. இப்பகுதியில் மாநகராட்சி தெற்கு மண்டல நிர்வாகம் சார்பில் குப்பை தொட்டி வைக்கப்பட்டது. ஆனால், தொட்டியில் சேகரிக்கப்படும் குப்பையை, தூய்மை பணியாளர்கள் முறையாக அள்ளுவதில்லை. இதனால், தொட்டி அடிக்கடி நிரம்பி, குப்பை சாலையில் பரவுகிறது.
கூடுதலாக அங்கேயே வைத்து குப்பையை தரம் பிரிக்கும் பணிகளும் நடப்பதால், இப்பகுதி முழுவதும் துர்நாற்றம் வீசி, சுகாதார சீர்கேட்டை ஏற்படுத்துகிறது. மேலும், உதிரி பாகங்கள் வாங்க வெளியூர்களில் இருந்தும் சிலர் வந்து செல்வதால் உள்ளாட்சி துறை அமைச்சரின் தொகுதியே இப்படி உள்ளதே என கூறி செல்கின்றனர்.மேலும் அந்த பகுதிக்கு செல்லும் வாகன ஓட்டிகள், இதன் மீது ஏறிச்செல்லும் போது, வழுக்கி விழுகின்றனர். 86 வது வார்டுக்கு உட்பட்ட மாநகராட்சி அதிகாரிகள் மற்றும் ஊழியர்களிடம் பலமுறை கோரிக்கை விடுத்தும், நடவடிக்கை இல்லை. குப்பை அள்ள, அதிகாரிகள் நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
