October 22, 2016 
தண்டோரா குழு
தமிழகத்தில் காவிரி விவகாரம் குறித்து வரும் 25ம் தேதி நடைபெறும் ஆலோசனைக் கூட்டத்தில் பங்கேற்குமாறு திமுக பொருளாளர் மு.க. ஸ்டாலின் எல்லாக் கட்சிகளுக்கும் அழைப்பு விடுத்துள்ளார்.
காவிரி விவகாரம் குறித்து தமிழகத்தில் அனைத்துக் கட்சிக் கூட்டத்தைக் கூட்டுமாறு சட்டப் பேரவை எதிர்க்கட்சித் தலைவர் மு.க. ஸ்டாலின், தமிழக அரசை வலியுறுத்தி வந்தார். இதற்காக தமிழக நிதியமைச்சர் ஓ. பன்னீர்செல்வத்தைச் சந்தித்துப் பேசியுள்ளார். அனைத்துக் கட்சிக் கூட்டத்தைத் தமிழக அரசு கூட்டவில்லை என்றால், திமுகவே அனைத்துக் கட்சிகளையும் அழைத்துக் கூட்டத்தை நடத்தும் என்றும் ஸ்டாலின் அறிவித்திருந்தார்.
இந்நிலையில், காவிரி விவகாரம் தொடர்பான ஆலோசனைக் கூட்டம் திமுக தலைமை அலுவலகமான அண்ணா அறிவாலயத்தில் கலைஞர் அரங்கில் வரும் 25ம் தேதி காலை 10 மணிக்கு நடைபெறும் என்று அறிவிக்கப்பட்டுள்ளது.
இதில் பங்கேற்க வருமாறு திமுக பொருளாளர் மு.க. ஸ்டாலின், அனைத்துக் கட்சி தலைவர்களுக்கும், அனைத்து விவசாய சங்கத் தலைவர்களுக்கும் அழைப்பு விடுத்துள்ளார்.
அந்த வகையில், அனைத்துக் கட்சி கூட்டத்தில் அதிமுக கலந்து கொள்ள வேண்டும் என்று கோரி, அதிமுக பொதுச் செயலாளர் பெயருக்கும் மு.க. ஸ்டாலின் அழைப்புக் கடிதம் அனுப்பியதாகவும், அதனை அதிமுகவினர் வாங்க மறுத்தால் அதிமுக தலைமைக் கழக முகவரிக்கு அனுப்பி வைக்கப்பட்டிருப்பதாகவும் கூறப்படுகிறது.
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
For English News
