December 13, 2019 
இலங்கை தமிழர்களுக்கு குடியுரிமை வழங்க மத்திய அரசுக்கு விருப்பமில்லை என இந்தியா வாழ் இலங்கை தமிழர்கள் வேதனை தெரிவித்துள்ளனர்.
பாகிஸ்தான், ஆப்கானிஸ்தான், வங்கதேசம் ஆகிய நாடுகளில் இருந்து மத துன்புறுத்தல் காரணமாக இந்தியாவுக்கு வந்து குடியமர்ந்தவர்களில் , முஸ்லிம் அல்லாதவர்களுக்கு , இந்திய குடியுரிமை கிடைக்க வழி செய்யும் , குடியுரிமை சட்டத் திருத்த மசோதா மக்களவையில் திங்கள்கிழமை இரவு நிறைவேறியது.
இந்திய அரசமைப்புச் சட்டம் , குடிமக்களிடையே மதப் பாகுபாடு காட்டுவதில்லை. இந்நிலையில் மத அடிப்படையில் சிலருக்கு குடியுரிமை கிடைக்கவோ, மறுக்கவோ வகை செய்யும் சட்டம் இந்திய அரசமைப்புச் சட்டத்துக்கு எதிரானது என்று எதிர் கடசிகளான, காங்கிரஸ், திமுக உள்ளிட்ட கட்சிகள் , மக்களவையில் தங்கள் எதிர்ப்பை கடுமையாகப் பதிவு செய்துள்ளன.இலங்கையின் சிங்களர், பௌத்த பேரின வாதத்தால் பாதிக்கப்பட்டு, இலங்கையிலிருந்து வெளியேறி தமிழகத்தில் முப்பதாண்டுகளாக வசிக்கும் இந்து அகதிகளான தமிழர்களை மத்திய அரசு சேர்க்காதது , தமிழர்களிடம் மிகப்பெரிய வருத்தத்தை ஏற்படுத்தியுள்ளது. தமிழகம் முழுவதும் சுமார் 1 லட்சத்திற்கும் மேல் இலங்கை தமிழர்கள் அகதிகளாக முகாம்களில் வசித்து வருகின்றனர். இவர்கள் முப்பதாண்டுகளுக்கு மேலாக இந்திய குடியுரிமை வேண்டும் என மத்திய ,மாநில அரசிடம் மனு கொடுத்துள்ளனர். தமிழகம் முழுவதும் அந்தந்த மாவட்ட ஆட்சித்தலைவரிடம் கடந்த ஜீன் மாதம் குடியுரிமை கேட்டு மனு கொடுத்திருந்தது குறிப்பிடத்தக்கது.
இந்நிலையில் கடந்த திங்களன்று நிறைவேற்றப்பட்ட இந்திய குடியுரிமை சட்ட திருத்த மசோதாவில் இலங்கை தமிழர்கள் சேர்க்கப்படவில்லை. இது இந்தியாவில் அவர்களுக்கு குடியுரிமை அளிக்க வேண்டாம் என முடிவெடுத்துள்ளதை காட்டுவதாக, கோவை இலங்கை அகதிகள் முகாம் தலைவர் திலக்ராஜ் தெரிவித்தார்.
மேலும் இந்தியாவிற்கு அகதிகளாக வந்து முப்பது ஆண்டுகள் ஆவதாகவும், தங்கள் குழந்தைகளும் , அகதிகளாகவே வசித்து வருவதாக தெரிவித்தார். மற்ற நாடுகளுக்கு புலம்பெயர்ந்த இலங்கை தமிழர்கள் குடியுரிமை பெற்றுள்ள போது இந்தியாவை நம்பி வந்த தங்களுக்கு கொடுக்காதது வருத்தமளிப்பதாகவும், இலங்கையில் சென்று குடியமர இந்திய இலங்கை அரசுகள் நடவடிக்கை எடுக்க வேண்டும் என்றனர்.
அகதிகள் முகாமில் இருந்த பெண்கள் பேசும்போது,
4 வயதில் இந்த முகாமிற்கு வந்ததாகவும், தற்போது 34 வயதான பின்பும் அகதிகளாக வாழ்ந்து வருவது வருத்தம் அளிப்பதாக தெரிவித்தார். கல்வி, வேலைவாய்ப்பில் சலுகைகள் கிடைக்காமல் கஷ்டப்படுவதாக தெரிவித்தார். வங்கிக்கடன் அகதிகள் என்பதால் மறுக்கப்படுவதாகவும் வேதனையோடு கூறினார். மேலும் பள்ளியில் குழந்தைகள், அகதிகள் என்பதால் ஒசி பிரிவில் சேர்க்கப்பட்டு, அரசின் சலுகைகள் கிடைக்காமல் இருப்பதாகவும் அப்பகுதி பெண்கள் தெரிவித்தனர்.அகதிகளை யாராவது அடித்தால் , அகதிகள் மேலையே வழக்கு தொடுக்கப்படுவதாகவும், உரிமைகளை இழந்து நடைபிணமாக வாழும் சக தமிழர்களை , தமிழர்களே கண்டு கொள்ளாதது மிகுந்த வருத்தத்தை ஏற்படுத்தியுள்ளது. அகதிகள் முகாம் குறித்து, செய்தி சேகரிக்க செல்லும் நிருபர்கள் கட்டாயம் தாசில்தாரிடம் அனுமதி பெற வேண்டுமென க்யூ பிரிவு போலீசார் வற்புறுத்துவது , தமிழக அரசுக்கும் இவர்களுக்கு குடியுரிமை வழங்க கூடாது என்ற எண்ணம் இருப்பதாகவே தோன்றுகிறது.
இரு நாடுகளும் இணைந்து இவர்களுக்கு ( இலங்கை இந்து தமிழர்களுக்கு ) குடியுரிமை வழங்க நடவடிக்கை எடுக்குமா என்பதை பொறுந்திருந்துதான் பார்க்க வேண்டும்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
