September 16, 2019 
தண்டோரா குழு
ஒரு இடத்தில் நான்கைந்து பேர் வெகுநேரம் அமர்ந்து பேசிக்கொண்டிருந்தால் திடீரென்று ஒருவித துர்நாற்றத்தால் அனைவரும் சங்கடத்தில் நெளிவதை பார்க்கலாம். ஆனால் அந்த டர் விட்டவர் யார் என்று யாரும் ஒப்புக்கொள்ளமாட்டார்கள். அந்த ‘வாயு உபத்திரம்’ தொடர்பான துர்நாற்றத்துக்கு காரணமானவர் ஒருவராக இருக்கலாம். அவர் யார்? என்பதை கண்டுபிடிப்பதை, சீட்டு எழுதிப்போட்டு விளையாடும் ‘திருடன்-போலீஸ்’ ஆட்டத்தைவிட மிக சிக்கலானதாக இருக்கும்.இன்னும் சிலர் இந்த உலகத்தில் எதைப்பற்றியும் கவலைப்படாமல் பொது இடத்தில்கூட மிகுந்த ஓசையுடன் தங்களது வாயு உபத்திரத்தை வெளிப்படையாக தீர்த்துக் கொள்வதுண்டு.
மலக்குடல் வழியாக வாயு வெளியேறுவது என்பது சில நேரங்களில் மனிதரால் கட்டுப்படுத்த முடியாததாக இருக்கும் பிரச்சனைகளுள் ஒன்றாகும். எனினும் இது போன்ற இக்கட்டான தருணங்களில், நம் அருகில் இருப்பவர்கள் இதனை கேலியாகவும், ஏளனமாகவும் பார்ப்பதுண்டு. இது போன்ற நிலையை ஏறக்குறைய அனைவருமே கடந்துதான் வந்திருப்போம். இந்நிலையில், குஜராத் மாநிலத்தின் சூரத் நகரில் உள்ள ஒரு உணவகம் வரும் 22-ம் தேதி ‘வாயு உபத்திரம்’ தொடர்பாக ஒரு பெரிய போட்டியை வைத்துள்ளது.
இந்தியாவிலேயே முதல் முறையாக இந்த போட்டி குறித்த அறிவிப்பை சூரத் நகரைச் சேர்ந்த Yatin Sangoi மற்றும் Mul Sanghvi என்ற நண்பர்கள் இணைந்து வெளியிட்டுள்ளனர். வரும் செப்டம்பர் 22ம் தேதி இந்த போட்டியை நடத்த திட்டமிட்டுள்ளனர். இதற்காக பரிசுத் தொகையும், சுழற்கோப்பையும் வழங்கப்படும் என தெரிவிக்கப்பட்டுள்ளது. இந்த போட்டியில் பங்கேற்க விருப்பம் தெரிவித்து டெல்லி, கொல்கத்தா, ஜெய்ப்பூர் உள்ளிட்ட பகுதிகளில் இருந்து 200-க்கும் அதிகமானவர்கள் தங்களது பெயர்களை பதிவு செய்துள்ளனர். இதற்கான நடுவர்கள் குழுவில் ஒரு டாக்டரும் இடம்பெற்றுள்ளார்.
இப்போட்டி குறித்து அவர்கள் கூறுகையில்,
3 வகைகளில் இப்போட்டி நடத்தப்படும், ஒவ்வொரு போட்டியாளருக்கும் 60 நொடிகள் கொடுக்கப்படும் இதற்குள் அவர்களின் திறனை வெளிப்படுத்த வேண்டும். இப்போட்டியின் நடுவராக நகைச்சுவையாளர் தேவங் ராவல் செயல்படுவார். அவருடன் ஒரு மருத்துவரும் இதனை கண்காணிப்பார்.3 பேர் வெற்றியாளர்களாக தேர்ந்தெடுக்கப்பட்டு சுழற்கோப்பைகள் வழங்கப்படும், ஒரு வேளை ஸ்பான்சர் கிடைத்தால் ரூ.5,000 முதல் ரூ.15,000 வரையில் ரொக்கப்பரிசு தரப்படும் எனவும் தெரிவித்தார். இப்போட்டிக்கு சமூக வலைத்தளத்தில் ஆதரவும், எதிர்ப்பும் கிளம்பியுள்ளது.
5 இளம் படைப்பாளிகளுக்கு விஷ்ணுபுரம்-ரமேஷ் பிரேதன் நினைவு விருது
மேம்பட்ட வணிகச் சூழலின் ஆதரவுடன் நடப்பு ஆண்டில் உஜ்ஜீவன் ஸ்மால் பைனான்ஸ் வங்கி சிறப்பான வளர்ச்சி
முதியோர்களுக்கான நட்சத்திர விடுதி பாணியில் ஒரு பிரத்யேக தங்கும் விடுதித் திட்டம் நிவாசன் ஹாஸ்பிடாலிட்டி நிறுவனம் சார்பில் அறிமுகம்!
கோயம்புத்தூர் மராத்தான் 2025-ன் 13- வது பதிப்பு ; உலகம் முழுவதும் இருந்து 25,000-க்கும் மேற்பட்டோர் பங்கேற்றனர் !
குமரகுரு கல்லூரியில் குமரகுரு தொழில்நுட்ப ஜவுளி ஆராய்ச்சி மையம் திறப்பு
கோவையில் இந்தியன் வங்கி நடத்தும் சர்ஃபாசி சொத்து விற்பனை மற்றும் கண்காட்சி துவங்கியது
For English News
