October 6, 2016 
தண்டோரா குழு
என் அத்தையைப் பார்க்க அனுமதி மறுக்கப்படுகிறது அவரை பார்க்க அனுமதியுங்கள் என முதல்வர் ஜெயலலிதாவின் அண்ணன் மகள் தீபா ஜெயக்குமார் கூறியுள்ளார்.
தமிழக முதல்வர் ஜெயலலிதா உடல்நலகுறைவால் சென்னை அப்பல்லோ மருத்துவமனையில் சிகிச்சைக்காக அனுமதிக்கபட்டு கிட்டத்தட்ட 13 நாட்கள் ஆகிறது. முதல்வர் நலமாக இருக்கிறார் தொடர்ந்து மருத்துவர்கள் கண்காணிப்பில் தான் இருந்து வருகிறார் என அப்பல்லோ மருத்துவமனை நிர்வாகம் அறிக்கையை வெளியிட்டு வருகிறது. முதல்வரை சந்திக்க செல்லும் தலைவர்களும் அவரை சந்திக்காமல் மருத்துவர்கள் அல்லது அமைச்சர்களை சந்தித்து தான் வருகிறார்கள். எனினும், அவரது உறவினர்கள் யாரும் அவரை பார்த்தார்களா என்பது குறித்த செய்திகள் எதுவும் வெளியாகவில்லை.
இந்நிலையில், சென்னை தியாகராயநகரில் வசித்து வரும் முதல்வர் ஜெயலலிதாவின் அண்ணன் ஜெயகுமாரின் மகள் தீபா முதல்வரை சந்திக்க மருத்துவமனைக்கு சென்றுள்ளார்.
ஆனால்,மருத்துவமனையின் கேட்டிலேயே அவருக்கு அனுமதி மறுக்கப்பட்டதாக கூறப்படுகிறது.
இது குறித்து தீபா ஜெயக்குமார் கூறும் போது, அத்தைக்கு உடல்நிலை சரியில்லை என கேள்விப்பட்டு அவரை சந்திப்பதற்காக அப்பல்லோ மருத்துவமனைக்குச் சென்றேன். என் அத்தை என்மீது மிகுந்த மரியாதையும் பாசமும் வைத்திருக்கிறார். அவரை பார்த்து ஆறுதல் சொல்வதற்காக மூன்று நாட்களாக மருத்துவமனைக்கு சென்று வருகிறேன். ஆனால், என்னை மருத்துவமனைக்குள் அனுமதிக்க மறுத்துவிட்டனர்.
ஆகையால்,அத்தையை பார்க்காமல் செல்ல மாட்டேன் என கூறியதையடுத்து அதிமுக நிர்வாகிகளிடம் என்னைப் பற்றிக் கூறி, எனக்கு ஜெயலலிதாவை பார்க்க அனுமதி அளிக்குமாறு கேட்டுக் கொண்டேன்.ஆனால், இதுவரை எனக்கு எந்தவிதமான அனுமதியும் கிடைக்கவில்லை என்றார்.
மேலும், “என் அப்பா ஜெயக்குமார் உயிரிழந்த போது அத்தை ஜெயலலிதா வீட்டுக்கு வந்து அஞ்சலி செலுத்தினார்” என்று அவரை நினைவு கூரும் தீபா, என் அத்தையின் உடல்நிலை தற்போது எவ்வாறு உள்ளது என்று கூட தெரிந்து கொள்ள முடியவில்லை என்று வேதனையோடு கூறியுள்ளார்.
“STOP DRUG ABUSE”– கண்ணை கவர்ந்த மாணவிகளின் உலகச் சாதனை முயற்சி!
கோவையில் மூளைச்சாவடைந்த 8 வயது பெண் குழந்தை 10 பேருக்கு மறுவாழ்வு அளித்தார்!
நாச்சியார் நெக்ஸ்ட்’ நாட்டிய நாடகம் கோவையில் அரங்கேற்றம்: பாரம்பரியமும் புதுமையும் கலந்த நடன விருந்து
எஸ்எஸ்விஎம்-இன் இந்தியாவை மாற்றும் மாநாடு 2025 ஆனது செயற்கை நுண்ணறிவு மற்றும் மனிதநேயம் குறித்து சக்திவாய்ந்த நுண்ணறிவுகளுடன் தொடங்கியது
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
For English News
