September 12, 2016 
தண்டோரா குழு
காவிரி விவகாரத்தில் போராட்டம் வெடித்த நிலையில் கர்நாடக மாநிலத் தலைநகர் பெங்களூருவில் 144 தடை உத்தரவு பிறப்பிக்கப்பட்டுள்ளது.
காவிரி நீர் விவகாரத்தில் தமிழகத்திற்கு தண்ணீர் திறந்து விடப்பட்டது தொடர்பாக இன்று உச்ச நீதிமன்றத்தின் புதிய தீர்ப்பு இன்று வெளியானது.அதில், வரும் செப்டம்பர் 20ஆம் தேதி வரை காவிரியிலிருந்து தமிழகத்துக்கு 12,000 கன அடி நீரை வழங்க கர்நாடக அரசுக்கு உத்தரவிடப்பட்டுள்ளது.
தமிழகத்துக்குக் காவிரியில் தண்ணீர் திறந்துவிட வேண்டும் என்று உச்சநீதிமன்றம் அளித்த தீர்ப்புக்கு எதிர்ப்பு தெரிவித்து கர்நாடக மாநிலத்தின் பல்வேறு பகுதிகளில் கடும் போராட்டங்கள் நடைபெற்று வருகின்றன.
மைசூர், மாண்டியா, மைசூர் ரோடு ஆகிய பகுதிகளில் தமிழ் பதிவு எண் கொண்ட லாரிகளைக் கன்னட அமைப்பினர் தீவைத்து கொளுத்தினர். மைசூர் ரோடு பகுதியிலுள்ள அடையார் ஆனந்தபவன் ஹோட்டலை 50க்கும் மேற்பட்ட கன்னட அமைப்பினர் கல்வீசி தாக்கியும் தமிழர்களையும் தமிழக வாகனங்களையும் தாக்கி போராட்டக்காரர்கள் வன்முறையில் ஈடுபட்டு வருகின்றனர்.
இந்நிலையில், நிலைமையைக் கட்டுக்குள் கொண்டு வரும் பொருட்டு முன்னெச்சரிக்கை நடவடிக்கையாக இன்று மாலை 5 மணி முதல் கர்நாடகத்தின் பெங்களூரு நகரில் 144 தடை உத்தரவு பிறப்பிக்கப்பட்டுள்ளது.
முன்னதாக, 144 தடை உத்தரவு பிறப்பிக்கப்படவில்லை என்று காவல்துறை சார்பில் மறுப்பு தெரிவிக்கப்பட்டது என்பது குறிப்பிடத்தக்கது.
கோவையில் சூயஸ் நிறுவனம் சார்பில் இலவச மருத்துவ பரிசோதனை முகாம்
இந்திய வணிகங்களுக்கு உலகளாவிய வாய்ப்புகளை விரிவுபடுத்த ‘வளர்ச்சி உச்சிமாநாடு 2026’: டெல்லியில் வால்மார்ட் நடத்தியது
டிவிஎஸ் மோட்டார் நிறுவனம் தனது புதிய மாடலான எலக்ட்ரிக் வாகனமான டிவிஎஸ் ஐக்யூப் எஸ் 4.7 கேடபிள்யுஹச் வேரியண்டை அறிமுகம் செய்தது
பார்க் கல்லூரியின் ஜீரோ ஜி 2026 ஆண்டு கலாச்சார விழாவில் “நம்பிகை” மற்றும் “சக்தி” கல்வி உதவித்தொகைகள் அறிமுகம்
செயலிக்கு அப்பால்: வங்கித்துறையில் வணிக அனுபவம் ஏன் அடுத்தகட்டமாக விளங்குகிறது – உஜ்ஜீவன் சிறு நிதி வங்கி , தலைமை சந்தைப்படுத்தல் அதிகாரி வி .லட்சுமண்
கேம்சிஹெச் மருத்துவமனையில் உலக கை சுகாதார தினம் கொண்டாட்டம்!
For English News
