May 26, 2018 
தண்டோரா குழு
வன்னியர் சங்கத்தலைவரும்,பாமகவின் முன்னணி தலைவரும்,முன்னாள் எம்.எல்.ஏவுமான காடுவெட்டி ஜெ.குரு(57) காலமானார்.
வன்னியர் சங்கத்தலைவரும்,பாமகவின் முன்னணி தலைவருமான காடு வெட்டி குரு நுரையீரல் தொற்றால் சென்னை ஆயிரம் விளக்கில் உள்ள அப்பல்லோ மருத்துவமனையில் அனுமதிக்கப்பட்டார்.கடந்த 40 நாட்களுக்கும் மேலாக சிகிச்சை பெற்றுவந்த அவர் கடந்த சில நாட்களாக மிகவும் கவலைக்கிடமான நிலையில் சிக்சிசை பெற்று வந்தார்.இந்நிலையில் நேற்று இரவு அவர் சிகிச்சை பலனின்றி காலமானார்.
வன்னியர் சங்க தலைவராக இருந்தவர் இவர் வன்னியர் சமூக நலனுக்காக குரல் கொடுத்து வந்தவர். பாமக நிறுவனர் ராமதாஸின் வலதுகரமாகவும் இருந்துள்ளார்.அரியலூர் மாவட்டம் காடுவெட்டி கிராமத்தில் பிறந்த குரு,பாமக சார்பில் 2முறை எம்.எல்.ஏவாக இருந்துள்ளார்.அவரது மறைவிற்கு பல்வேறு அரசியல் கட்சி தலைவர்கள் அஞ்சலி செலுத்தி வருகின்றனர்.
For English News
