February 14, 2018 
தண்டோரா குழு
சமூக வலைதளங்களில் வைரலான நடிகை பிரியா வாரியர் இஸ்லாமிய மத உணர்வை புண்படுத்திவிட்டதாக ஐதராபாத் காவல் நிலையத்தில் புகார் அளிக்கப்பட்டுள்ளது.
ஒமர் லுலு இயக்கத்தில் உருவாகியுள்ள ஒரு அடார் லவ் படத்தில் இடம்பெறும் மாணிக்ய மலராய பூவி பாடல் உலக அளவில் பிரபலமாகியுள்ளது.
இதற்கு காரணம் அந்த பாடலில் நடித்துள்ள நாயகி ப்ரியா வாரியரின் கண்ணசைவுக் காட்சிகள் தான். இதன் மூலம் பல இளைஞர்களின் மனதை கொள்ளை கொண்டார் என்றே சொல்லலாம். இதற்கிடையில், இப்பாடல் வைரல் ஆனதும் பிரியா வாரியர் மற்றும் படக்குழுவினர் மீது ஐதராபாத் காவல் நிலையத்தில் புகார் அளிக்கப்பட்டுள்ளது.
ஐதராபாத்தில் உள்ள ஃபால்க்னூமா காவல்நிலையத்தில் இஸ்லாமிய இளைஞர் ஒருவர் அளித்த புகாரில் அந்த பாடலில், மெக்கா, இறைத்தூதர் முகம்மது தொடர்புடைய வரிகள் இடம்பெற்றுள்ளதாகவும் இது இஸ்லாமியர்களின் மனதை புண்படுத்துவதாகவும் கூறியுள்ளார்.
மேலும், பாடலை எழுதிய பாடல் ஆசிரியர், இசை அமைப்பாளர், இயக்குனர் மற்றும் நடிகர், நடிகைகள் மீது நடவடிக்கை எடுக்க வேண்டும் என்று அவர் கேட்டுக் கொண்டுள்ளார்.
இதையடுத்து, புகாரைப் பெற்றுக் கொண்ட காவல்துறையினர் பாடல் வரிகள் மற்றும் புகார் தொடர்பான ஆதாரங்களையும் சமர்ப்பிக்குமாறு கேட்டுக் கொண்டுள்ளனர். இதனைத்தொடர்ந்து இதுகுறித்து விளக்கம் அளித்துள்ள படத்தின் இயக்குனர் ஒமர் லுலு, பாடலில் மத உணர்வுகளை புண்படுத்தும் வகையிலான வரிகள் ஏதும் இடம்பெறவில்லை என்று தெரிவித்துள்ளார்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
