December 9, 2017 
தண்டோரா குழு
விடுதலைச் சிறுத்தைகள் கட்சித் தலைவர் திருமாவளவனின் தலையை துண்டித்தால் ஒரு கோடி ரூபாய் பரிசளிப்பதாக பேசிய இந்து முன்னேற்றக் கழகத்தில் தலைவர் கோபிநாத்தை திருப்பூர் போலீசார் கைது செய்துள்ளனர்.
விடுதலைச் சிறுத்தைகள் கட்சித் தலைவர் திருமாவளவன், இந்து கோவில்களை இடிக்க வேண்டும் எனக் கூறியது பெரும் சர்ச்சையை ஏற்படுத்தியது. இதையடுத்து, இந்துக்களை புண்படுத்தும் நோக்கில் தாம் கருத்து சொல்லவில்லை என்றும், இந்து கோவில்களை இடிக்க வேண்டும் என்று சொல்லை தாம் பயன்படுத்தவில்லை என்றும் விடுதலை சிறுத்தைகள் கட்சி தலைவர் திருமாவளவன் விளக்கம் அளித்திருந்தார்.
இந்நிலையில், இந்துக் கோயில்களை இடிக்க வேண்டும் என்று கூறியதாக தெரிவித்து, இந்து முன்னேற்ற கழகத்தினர் திருப்பூரில் வெள்ளியன்று ஆர்ப்பாட்டம் நடத்தினர். அப்போது பேசிய அந்த அமைப்பின் தலைவர் கோபிநாத், திருமாவளவனின் தலையை துண்டிப்பவர்களுக்கு ஒரு கோடி ரூபாய் பரிசளிப்பதாகக் குறிப்பிட்டார். இதைத்தொடர்ந்து அவர் மீது புகார் அளிக்கப்பட்டது.
இதையடுத்து, இந்து முன்னேற்றக் கழகம் அமைப்பின் தலைவர் கோபிநாத்தை,திருப்பூர் போலீசார் காரமடையில் கைது செய்தனர்.
For English News
