December 6, 2017 
தண்டோரா குழு
பாபர் மசூதி இடிப்பிற்கு நியாயம் கேட்டு இன்று(டிச 6) எஸ்.டி.பி.ஐ கட்சியினர் சார்பாக கோவை ஆத்துபாலம் பகுதியில் ஆர்ப்பாட்டம் நடைப்பெற்றது.
பாபர் மசூதி இடிப்பு தினமான இன்று இந்தியாவின் கறுப்பு தினமாக முஸ்லீம் அமைப்பினர் அனுசரித்து வருகின்றனர். இதன் ஒருபகுதியாக எஸ்.டி.பி.ஐ கட்சி சார்பில் கோவை ஆத்துபாலம் பாலம் பகுதியில் ஆர்ப்பாட்டம் நடைபெற்றது. இதில், அக்கட்சியை சேர்ந்த ஏராளமானோர் கலந்து கொண்டனர்.
இதுகுறித்து எஸ்.டி.பி.ஐ யின் மாநில துணைத்தலைவர் நெல்லை முபாரக் கூறுகையில்,
“பாபர் மசூதி இடிக்கப்பட்ட தினமான இன்று முஸ்லீம் அமைப்புகள் சார்பாக மீண்டும் கட்டப்பட வேண்டும் என்ற கோரிக்கை எழுந்துள்ளது. மேலும் 463 ஆண்டுகள் பழமையான பாபர் மசூதி இடிக்கப்பட்டு 25 ஆண்டுகள் ஆகியும் இதுவரை நீதி கிடைக்கவில்லை.
பாபர் மசூதி இடிப்பில் முக்கிய பங்கு ஆற்றிய அத்வானி, முரளி மனோகர் ஜோஷி உள்ளிட்டவர்களுக்கு நீதிமன்றம் தண்டனை வழங்க வேண்டும். பாபர் மசூதி இடிக்கப்பட்ட போது, அப்போதைய காங்கிரஸ் அரசு கட்டிக்கொடுப்பதாக சொன்ன வாக்குறுதியை தற்போது மத்திய அரசிடம் கேட்கவில்லை, நீதிமன்றம் மசூதியை கட்ட உத்திரவிட வேண்டும்.
மேலும் பாபர் மசூதி இடிப்பு இந்தியாவிற்கே தலைகுனிவு என்றும் மதச்சார்பின்மை மற்றும் ஜனநாயகம் நிலை நாட்ட வேண்டுமென்றால் பாபர் மசூதி கட்டப்பட வேண்டும்”.
இவ்வாறு அவர் கூறினார்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
