November 30, 2017 
தண்டோரா குழு
கோவையில் அனுமதி பெற்றே பேனர்கள் வைக்கப்பட்டுள்ளதால் எந்தவொரு பேனர்களையும் அகற்ற தேவையில்லை என தமிழக உள்ளாட்சித்துறை அமைச்சர் எஸ்.பி.வேலுமணி தெரிவித்துள்ளார்.
இது தொடர்பாக கோவை விமான நிலையத்தில் செய்தியாளர்களிடம் பேசிய அவர் ,
“கோவையில் எம்.ஜி.ஆர் நூற்றாண்டு விழா நடக்க கூடாது என்பதற்காக திமுகவினர் இதை வைத்து அரசியல் செய்கின்றனர்.தனியார் வாகனம் ஏற்படுத்திய விபத்து காரணமாகவே இளைஞர் ரகுபதி உயிரிழந்தார். அதற்கு அலங்கார் வளைவு காரணம் அல்ல. அலங்கார வளைவுகள் அமைப்பது எங்களுக்கு முக்கியமில்லை எனவும் திட்டங்களை பெற வேண்டும் என்பதே எங்களுக்கு முக்கியம்.
மேலும்,எம்.ஜி.ஆர். நூற்றாண்டு விழாவாக மட்டுமின்றி கோவை மாவட்டத்திற்கு அறிவித்த திட்டங்களுக்கு நிதி தொடர்பாகவும் இந்த விழா இருக்கும்.கோவையில் எம்.ஜி.ஆர். நூற்றாண்டு விழாவிற்காக வைக்கப்படும் பேனர்களில் எந்தவித நீதிமன்ற உத்தரவும் மீறப்படவில்லை, இருப்பினும் நீதிமன்ற உத்தரவிற்கு முன்பாகவே 14 இடங்களில் வைக்கப்பட்டிருந்த அலங்கார வளைவுகள் அகற்றபட்டுள்ளது.இந்நிலையில் அனுமதி பெற்றே பேனர்கள் வைக்கப்பட்டுள்ளதால் எந்தவொரு பேனர்களையும் அகற்ற தேவையில்லை.
கன்னியாகுமரியில் மட்டுமின்றி சென்னை, திருவாரூர், தஞ்சை, நாகை ஆகிய மாவட்டங்களில் மழை பாதிப்புகளை சரி செய்ய குழுக்கள் அமைக்கப்பட்டு அதிகாரிகள் தயார் நிலையில் வைக்கப்பட்டு அனைத்து முன்னேற்பாடுகளும் செய்யப்பட்டுள்ளது”. இவ்வாறு கூறினார்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
