November 28, 2017 
தண்டோரா குழு
அமெரிக்க அதிபர் டெனால்டு டிரம்பின் மகள் இவாங்கா டிரம்ப் இன்று இந்தியா வந்துள்ளார்.
அமெரிக்க அதிபர் டெனால்டு டிரம்பின் மகளும் ஆலோசகருமான இவாங்கா டிரம்ப் ஹைதராபாத் நகரில் சர்வதேச தொழில் முனைவோர் மாநாட்டில் கலந்து கொள்ள இன்று ஹைதராபாத் வந்துள்ளார்.
ஹைதராபாத்திலுள்ள ஹைதராபாத் சர்வதேச மாநாடு சங்கத்தில் நடைபெறும் இந்த மாநாட்டில், இந்திய பிரதமர் மோடியும் கலந்து கொள்கிறார். இவாங்கா டிரம்ப் அம்மாநாட்டில் உரையாற்றவுள்ளார்.அவருக்கு ஹைதராபாத் நவாப்களால் கட்டப்பட்ட பலக்னுமா பேலஸில் இரவு விருந்து ஏற்பாடு செய்யப்பட்டுள்ளது.
இவாங்கா டிரம்ப், இத்தாலிய மற்றும் டூடர் கட்டிடக்கலையின் கலவையாக விளங்கும் அந்த அரண்மனையை சுற்றி பார்ப்பார். இவாங்கா டிரம்ப் ஹைதராபாத்தில் சுமார் 24 மணிநேரம் இருக்க நேர்வதால், அவர் ஹைதராபாத் நகரத்தை சுற்றியும், பாலாக்னுமா அரண்மனையிலிருந்து சுமார் 3 கிலோமீட்டர் தூரத்திலுள்ள சார்மினாரை பார்க்க செல்வார் என்று எதிர்பார்க்கப்படுகிறது.
For English News
