July 20, 2017 
தண்டோரா குழு
சென்னையில் நடைபெறும் முரசொலி விழாவில் பங்கேற்க நடிகர்கள் ரஜினி, கமலுக்கு திமுக சார்பில் அழைப்பு விடுக்கப்பட்டுள்ளது.
திமுகவின் அதிகாரப்பூர்வ நாளேடான முரசொலியின் பவளவிழாவை சிறப்பாகக் கொண்டாட அக்கட்சி மாவட்ட செயலாளர்கள் கூட்டத்தில் முடிவு செய்துள்ளது. முரசொலி பவள விழா நிகழ்ச்சியானது, ஆகஸ்ட் 10 மற்றும் 11ம் தேதி சென்னை கலைவாணர் அரங்கில் நடைபெறவுள்ளது.
இந்நிகழ்ச்சியில் அதிமுக தவிர்த்த மற்ற கட்சிகளுக்கும், பத்திரிகையாளர்கள் மற்றும் பத்திரிக்கை நிறுவனங்களுக்கும்,நடிகர் கமல்ஹாசன் மற்றும் ரஜினிகாந்த் உள்ளிட்ட பல்வேறு நடிகர்களுக்கு திமுக சார்பில் அழைப்பு விடுக்கப்பட்டுள்ளது. இதற்கு ரஜினி,கமல் இருவரும் ஒப்புதல் தெரிவித்துள்ளதாக கூறப்படுகிறது.
அதன்படி விழாவில், சிறப்பு விருந்தினராக நடிகர் கமல்ஹாசன் பங்கேற்கவுள்ளார். நடிகர் ரஜினிகாந்த் பார்வையாளராக பங்கேற்க உள்ளார்.முன்னணி நடிகர்கள் இருவரும் அரசியல் குறித்து பேசி வரும் நிலையில் அவர்களுக்கு திமுக நிகழ்ச்சிக்கு அழைப்பு விடுக்கப்பட்டுள்ளது முக்கியத்துவம் வாய்ந்ததாக பார்க்கப்படுகிறது.
For English News
