July 15, 2017 
தண்டோரா குழு
இந்தியன் பிரீமியர் லீக் எனப்படும் ஐபிஎல் போட்டியில் சென்னை சூப்பர் கிங்ஸ்க்கு என்றே தனி ரசிகர்கள் பட்டாளம் உண்டு காரணம் தோனி தான்.
சென்னை ரசிகர்கள் தோனியை தல தோனி என்று தான் செல்லமாக அழைப்பார்கள். ஆனால், சூதாட்டப் புகாரில் சென்னை சூப்பர் கிங்ஸ் அணிக்கு இரண்டு ஆண்டு தடை விதிக்கப்பட்டது.
இதையடுத்து கடந்த இரண்டு வருடங்களாக தோனி புனே அணிக்காக விளையாடி வந்தார்.
இந்நிலையில், சென்னை சூப்பர் கிங்ஸ் தடை காலம் நேற்றுடன் முடிந்தது. இதையடுத்து சென்னை சூப்பர் கிங்ஸ்சென்னை அணி ரசிகர்கள் தோனியை வரவேற்று பல்வேறு வகையில் சமூக வலைத்தளங்களில் போஸ்டர்களை பதிவு செய்து வருகின்றனர்.
இதற்கிடையில், இன்று தோனி தனது இன்ஸ்டாகிராம் பக்கத்தில் வெளியிட்ட புகைப்படம் தான் டாப் ஹிட். தல தோனி மஞ்சள் நிற ஜெர்சியில் பின்பக்கம் திரும்பி நிற்பது போன்ற அதே புகைப்படம் டுவிட்டரில் விசில் போடத் தயாராகுங்கள் சிங்கங்களே என்ற டேக்குடன் வெளியிடப்பட்டுள்ளது.
தற்போது இந்த புகைப்படம் சமூக வலைத்தளங்களில் வைரலாக பரவி வருகிறது.
For English News
