July 7, 2017 
தண்டோரா குழு
உலக அளவில் மிகவும் பிரபலமான தொலைக்காட்சி நிகழ்ச்சி பிக்பாஸ். இந்தியாவில் வடமாநிலத்தில் முதலில் தொடங்கப்பட்ட இந்நிகழ்ச்சி தற்போது தமிழில் விஜய் தொலைக்காட்சி ஒளிபரப்பி வருகிறது. இதனை உலகநாயகன் கமல்ஹாசன் தொகுத்து வழங்கி வருகிறார்.
இந்நிகழ்ச்சி திங்கள் முதல் வெள்ளி வரை இரவு 9 மணிக்கும் சனி மற்றும் ஞாயிற்றுக்கிழமைகளில் இரவு 8.30 ஒளிபரப்பாகிறது. இதில் தமிழ் திரைப்பட நடிகர், நடிகைகள் மற்றும் ஜல்லிக்கட்டு போரட்டத்தில் கலந்து கொண்ட ஜூலி உள்ளிட்ட 15 பேர் பங்கேற்பாளர்களாக கலந்து கொண்டுள்ளனர்.
ஆரம்பத்தில் கமல்ஹாசன் இதற்காக விளம்பரம் செய்து வந்தார். கடந்த இரண்டு வாரங்களாக சமூகவலைத்தளங்களில் பிக் பாஸ் குறித்த விவாதம் தான் பெருமளவு பேசப்பட்டது. இதனால் அந்நிகழ்ச்சிக்கு நாளுக்குநாள் பார்வையாளர்களின் எண்ணிக்கை அதிகரித்தது.
இந்நிலையில், விஜய் தொலைக்காட்சி ட்வீட் ஒன்றை வெளியிட்டுள்ளது. அதில், கமல் மற்றும் தமிழ்நாட்டு மக்களுக்கு நன்றி. பிக் பாஸ் அற்புதமாக தொடங்கியுள்ளது. 3 கோடியே 60 லட்சம் பார்வையாளர்களைப் பெற்றுள்ளது எனக் கூறியுள்ளது.
இதற்கு பதிலளித்துள்ள கமல் என் வேலையை சுலபமாக்கிய விஜய் டிவிக்கு நன்றி.மேலும், இந்நிகழ்ச்சியை பார்த்த 3 கோடி 60 லட்சம் பார்வையாளர்கள் தான் பிக் பாஸ். அனைவருக்கும் நன்றி எனக் கூறியுள்ளார்.
For English News
