July 1, 2017 
தண்டோரா குழு
கனடா நாட்டில் உயரிய விருதான ‘ஆர்டர் ஆப் கனடா’ இங்கிலாந்து இளவரசர் சார்லஸ்க்கு வழங்கப்பட்டுள்ளது.
‘ஆர்டர் ஆப் கனடா’ விருது கனடா நாட்டின் உயரிய விருதாகும்.இந்த விருது அந்நாட்டின் சிறந்த குடிமகன், நாட்டிற்கு செய்த சிறந்த சாதனை மற்றும் சேவையை அங்கீகரித்து வழங்கப்படும். அந்த வகையில் கனடா நாட்டின் ஆயுதப்படைக்கு ஆதரவு அளித்ததற்காகவும், உலகளவில் சமுதாய தொண்டு செய்ததற்காகவும் இங்கிலாந்து இளவரசர் சார்லஸ்க்கு இந்த விருது வழங்கப்பட்டுள்ளது.
இந்நிலையில் கனடா நாட்டின் 15௦வது தினத்தை முன்னிட்டு இங்கிலாந்து இளவரசர் சார்லஸ் மற்றும் அவருடைய மனைவி கமில்லாவுடன் கலந்துக்கொள்ள கனடா வந்துள்ளனர். இந்த விழாவிற்கு பல்லாயிரக்கணக்கான மக்கள் வருவார்கள் என்று எதிர்ப்பார்க்கப்படுகிறது.
பொதுவாக ‘ஆர்டர் ஆப் கனடா’ விருது கனடா நாட்டின் மக்களுக்கு தான் வழங்கப்படுவது வழக்கம். ஆனால் அரசக்குடும்பதினர் தனிசிறப்புடைய தோழமை பிரிவின் கீழ் இந்த விருதை வாங்க தகுதியுடையவர்கள் ஆவார்.
இளவரசர் சார்லசை அடுத்து,இளவரசர் சார்லசின் தந்தை பிரினஸ் ஃபிளிப் 2013ஆம் அண்டில் இந்த விருதை பெற்றுள்ளார்.
For English News
