June 19, 2017 
தண்டோரா குழு
விமான பயணத்தின் போது பிறந்த ஆண் குழந்தைக்கு, ஆயுள் காலம் முழுவதும் இலவசமாக பயணிக்கும் சலுகையை ஜெட் ஏர்வேஸ் விமானம் அறிவித்துள்ளது.
சவுதி அரேபியாவிலுள்ள டமாமில் இருந்து நேற்று கொச்சி நோக்கி ஜெட் ஏர்வேஸ் விமானம் ஒன்று வந்துக் கொண்டிருந்தது.விமானத்தில் 162 பயணிகள் இருந்தனர். 35 ஆயிரம் அடி உயரத்தில் விமான பறந்து கொண்டிருந்தபோது, அதில் பயணம் செய்த நிறைமாதக் கர்ப்பிணி பெண் ஒருவருக்கு திடீரென பிரசவ வலி ஏற்பட்டது.
அதிர்ஷ்டவசமாக விமானத்தில் பயிற்சி டாக்டர் ஒருவர் இருந்தார்.அவர் உதவியுடன் நடுவானில் அந்தப் பெண்ணுக்கு அழகான ஆண் குழந்தை பிறந்தது.
இதைத்தொடர்ந்து கொச்சி வர வேண்டிய விமானம் மும்பைக்குத் திருப்பி விடப்பட்டது. அங்குள்ள ஒரு தனியார் மருத்துவமனையில் தாயையும் சேயையும் சேர்த்தனர்.அங்கு அவர்கள் நலமாக இருப்பதாக ஜெட் ஏர்வேஸ் நிறுவனம் தெரிவித்துள்ளது.
இதற்கிடையில், ஜெட்ஏர்வேஸ் தனது மகிழ்ச்சியை வெளிப்படுத்தும் விதமாக, அந்த குழந்தை தனது வாழ்நாள் முழுவதும் இலவசமாக விமானத்தில் பார்ப்பதற்கான பாஸ் வழங்கியுள்ளது.
For English News
