June 10, 2017 
தண்டோரா குழு
சென்னையில் குடிநீர் தட்டுப்பாட்டை போக்க காஞ்சிபுரம் மாவட்ட கல்குவாரிகளில் உள்ள நீரை சுத்திகரித்து இன்று முதல் விநியோகிக்க உள்ளதாக சென்னை குடிநீர் வாரியம் தெரிவித்துள்ளது.
தென்மேற்கு பருவமழை தொடங்கிவிட்டாலும் கோடை காலத்தில் நிலவி வந்த வறட்சி காரணமாக சென்னையில் கடும் குடிநீர் தட்டுப்பாடு நிலவி வருகிறது. சென்னையின் குடிநீர் ஆதராமாக கருத்தப்படும் காஞ்சிபுரம் மாவட்டத்தில் உள்ள ஏரிகளில் தற்போது நீர் வரத்து குறைந்துள்ளது.
இந்நிலையில் சென்னையில் நிலவும் இந்த குடிநீர் தட்டுப்பாட்டை போக்க கல்குவாரிகளில் தேங்கியுள்ள நீரை சுத்திகரித்து இன்று முதல் விநியோகிக்க உள்ளதாக சென்னை குடிநீர் வாரியம் தெரிவித்துள்ளது.
இதற்காக காஞ்சிபுரம் மாவட்டத்தில் உள்ள 2௦க்கும் மேற்பட்ட கல்குவாரிகளில் தேங்கியிருக்கும் தண்ணீரை பயன்படுத்த சென்னை குடிநீர் வாரிய அதிகாரிகள் பல்வேறு ஆய்வுகளை மேற்கொண்டனர்.
இந்த ஆய்வில் கல்குவாரியில் உள்ள நீர், குடிக்க தகுதியுடையது என தெரியவந்தது. இதையடுத்து நீரை சுத்திகரித்து விநியோகிக்க முடிவு செய்யப்பட்டது. குவாரிகளில் உள்ள நீர் செம்பரம்பாக்கம் ஏரி அருகே உள்ள நீர் சுத்திகரிப்பு நிலையத்தில் சுத்திகரித்து பொதுமக்களுக்கு வழங்க நடவடிக்கை மேற்கொள்ளப்பட்டவுள்ளது என தகவல் வெளியாகியுள்ளது.
இத்திட்டம் ரூ.13 கோடி மதிப்பீட்டில் இத்திட்டம் செயல்படுத்தப்படுகிறது. சுமார் 100 நாட்களுக்கு நாள்தோறும் நான்கு கோடி லிட்டர் தண்ணீரை எடுக்க திட்டமிட்டுள்ளனர்.
முன்னதாக சென்னைக்கு குடிநீர் வழங்கவிருக்கும் கல்குவாரிகளை உள்ளாட்சித்துறை அமைச்சர் எஸ்.பி.வேலுமணி, அமைச்சர் பெஞ்சமின் ஆகியோர் பார்வையிட்டனர். தொடர்ந்து அனைத்து குவாரிகளையும் பார்வையிட உள்ளனர் என அதிகாரிகள் தெரிவித்தனர்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
