April 19, 2016 
தண்டோரா குழு
இயக்குநர் சுந்தர்.சி இயக்கத்தில் விஷால் நடித்துள்ள மதகதராஜா திரைப் படம் மூன்று வருடங்களுக்குப் பிறகு ரிலீஸ் ஆகப்போகிறது.
விஷால், வரலட்சுமி, அஞ்சலி, சந்தானம், ஆகியோர் நடிப்பில் இயக்குநர் சுந்தர்.சி இயக்கத்தில் உருவாகியிருக்கும் மதகதராஜா திரைப்படம் கடந்த 2013ம் ஆண்டு செப்டம்பரில் வெளியாகும் என முதலில் அறிவிக்கப்பட்டது.
இந்த நிலையில் பல்வேறு பிரச்சினைகள் காரணமாக அப்படம் வெளியாகாமல் இருந்து வந்தது. இதற்கிடையில் சுந்தர் சி இயக்கத்தில் கலகலப்பு, அரண்மனை 1,2 என பல்வேறு படங்களை வெளிவந்துவிட்டது.
மதகதராஜா படம் மட்டும் பல்வேறு காரணங்களால் ரிலீஸ் செய்யப்படாமல் தள்ளிப் போனது. இந்த நிலையில் அப்படத்திற்கு தற்போது விடிவு காலம் வந்துள்ளது. படம் வெளியிடுவதில் உள்ள சிக்கல்கள் அனைத்தும் தீர்க்கப்பட்டு, மதகதராஜா படம் ஏப்ரல் 29-ல் ரிலீசாகும் என்று அறிவிக்கப்பட்டுள்ளது.
எல்லாம் விஷால் தென்னிந்திய நடிகர்சங்க நிர்வாகி ஆனா நேரம் தான் அவருக்கு எல்லாமே நல்லதாக நடக்குதுன்னு ஊருக்குள்ள பேசிக்கிறாங்க………
For English News
