March 9, 2017 
தண்டோரா குழு
வாராணசியில் நடைபெற்ற ஹோலி கொண்டாட்டத்தில் விதவைகளுக்கு விதிக்கப்பட்ட கட்டுப்பாடுகளைத் தூக்கி எறிந்துவிட்டு கலந்துக்கொண்டனர்.
வாராணசியில் உள்ள 400 ஆண்டுகள் பழைமையான கோபிநாத் கோவில் வளாகத்தில் நடந்த ஹோலி கொண்டாட்டத்தில் வாராணசி மற்றும் விரிந்தாவன் ஆகிய இடங்களிலிருந்து விதவைகள் வந்து இந்த கொண்டாட்டத்தில் மகிழ்ச்சியுடன் கலந்துகொண்டனர்.
பிரிந்தாவனின் கோபிநாத் பஜாரில் உள்ள பழமையான கிருஷ்ணர் கோவிலில், வெள்ளை உடை அணிந்த விதவைகள் வந்து வண்ண நிறங்களை ஒருவர் மீது ஒருவர் வீசி மகிழ்ந்தனர்.
வாராணசியில் உள்ள ‘சுலப் சர்வதேசம்’ என்னும் தன்னார்வத் தொண்டு நிறுவனத்தின் தலைவர் சமூக ஆர்வலரான பிந்தேஸ்வர் பாடக் ஏற்பாடு செய்த நிகழ்ச்சியில்தான் விதவைகள் உற்சாகத்துடன் கலந்துகொண்டனர்.
“விதவைகள் வண்ண ஆடைகள் அணிவதற்குத் தடை பரம்பரை பரம்பரையாக இருந்தது. ஆனால், அதை உடைத்து வெளியே வருகிறார்கள் என்பதைக் குறிப்பது தான் அவர்கள் ஹோலி கொண்டாட்டத்தில் பங்கேற்பதற்கு அடையாளம்” என்றார் பாடக்.
தன்னார்வத் தொண்டு நிறுவனம் வெளியிட்ட அறிக்கையில், “1,5௦௦ கிலோகிராம் வண்ண நிறப் பொடிகளும், 1,5௦௦ கிலோ கிராம் பூக்களின் இதழ்கள் இந்த கொண்டாட்டத்திற்கு ஏற்பாடு செய்யப்பட்டது. வாராணசி மற்றும் பிரிந்தாவனில் உள்ள 8 ஆசிரமங்களில் வசிக்கும் 8௦௦ விதவைகளுக்கு 2௦௦௦ ரூபாய் வழங்கப்படுகிறது” என்று தெரிவித்தது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
