February 24, 2017 
tamilsamayam.com
ஆஸ்திரேலியாவுக்கு எதிரான முதல் டெஸ்டில் 3 விக்கெட் கைப்பற்றிய இந்திய வீரர் அஷ்வின், முன்னாள் கேப்டன் கபில் தேவின் சாதனையை தகர்த்தெறிந்தார்.
இந்தியா வந்துள்ள ஆஸ்திரேலிய அணி, 4 போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்ட் புனேயில் இன்று துவங்கியது. இதில் ‘டாஸ்’ வென்ற ஆஸ்திரேலிய அணி கேப்டன் ஸ்டீவ் ஸ்மித், முதலில் ‘பேட்டிங்’ தேர்வு செய்தார்.
இதையடுத்து களமிறங்கிய ஆஸ்திரேலிய அணி, முதல் நாள் ஆட்டநேர முடிவில், 9 விக்கெட்டுக்கு 256 ரன்கள் எடுத்திருந்தது. இன்றைய இரண்டாவது நாள் ஆட்டத்தில் முதல் இன்னிங்சை தொடர்ந்த ஆஸ்திரேலிய அணிக்கு, மேலும் ஒரு பவுண்டரி சேர்த்த நிலையில் ஸ்டார்க் (61) அஷ்வின் சுழலில் சிக்கினார்.
புதிய சாதனை:
இதன் மூலம் இந்த ஆண்டு இந்தியாவில் நடந்த டெஸ்டில் அஷ்வின் மொத்தமாக 64 (நியூசிலாந்து 27 + இங்கிலாந்து 28 +வங்கதேசம் 6 + ஆஸ்திரேலியா 3) விக்கெட்டுகளை கைப்பற்றினார். இதன் மூலம் முன்னாள் கேப்டன் கபில் தேவின் 37 ஆண்டு கால சாதனையை அஷ்வின் தகர்த்தெறிந்தார்.
கடந்த 1979-80ல் இந்தியாவில் நடந்த 13 டெஸ்ட் போட்டிகளில் முன்னாள் கேப்டன் கபில் தேவ் மொத்தமாக 63 விக்கெட் கைப்பற்றியதே, ஒரு சீசனில் அதிகவிக்கெட் பவுலருக்கான சாதனையாக இருந்தது. அதை அஷ்வின் தற்போது முறியடித்துள்ளார். தவிர, ஆஸ்திரேலியாவுக்கு எதிராக் இன்னும் 3 டெஸ்ட் போட்டிகள் உள்ள நிலையில் அஷ்வினின் விக்கெட் வேட்டை தொடரலாம்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
