November 11, 2026 
தண்டோரா குழு
இந்தியாவின் ஓடிடி தளங்களில் பிராந்திய மொழி நிகழ்ச்சிகளுக்கு நாளுக்கு நாள் வரவேற்பும் முக்கியத்துவமும் அதிகரித்து வரும் நிலையில், பொழுதுபோக்கு உள்ளிட்ட படைப்புகளையும் நிகழ்ச்சிகளையும் ஒரே தளத்தில் ஒருங்கிணைத்து வழங்கும் வி நிறுவனத்தின் அதிகாரப்பூர்வ கன்டென்ட் அக்ரிகேட்டர் செயலியான ‘வி மூவீஸ் மற்றும் டிவி’ தனது பிராந்திய பொழுதுபோக்குச் சேவைகளை மேலும் வலுப்படுத்தியுள்ளது.
இதன் ஒரு பகுதியாக, வெறும் ரூ.35 விலையில் இந்தியாவின் மிகக் குறைந்த கட்டணத்திலான பிராந்திய பொழுதுபோக்கு ஆட்-ஆன் பேக்கை இந்நிறுவனம் அறிமுகப்படுத்தியுள்ளது, இது பிராந்திய மொழிப் பிரியர்களுக்குத் தங்களது விருப்பமான பொழுதுபோக்குச் சேவைகளை மிகக் குறைந்த செலவில் பெற ஒரு சிறந்த வாய்ப்பாக அமைகிறது.இந்த புதிய சலுகையானது, ஒன்பது இந்திய மொழிகளைப் பிரதிபலிக்கும் ஆறு முன்னணி ஓடிடி தளங்களிலிருந்து தங்களுக்குப் பிடித்த ஏதேனும் இரண்டு தளங்களை வி ப்ரீபெய்ட் வாடிக்கையாளர்கள் தங்களது விருப்பத்திற்கேற்ப தேர்ந்தெடுக்க வழிவகை செய்கிறது. இதன் மூலம், உயர்தர பிராந்திய ஓடிடி பொழுதுபோக்கு அம்சங்கள் சமூகத்தின் அனைத்து தரப்பினருக்கும் எளிதில் கிடைக்கும் வகையில் ஒரு புதிய முயற்சியை இந்தத் திட்டம் அறிமுகப்படுத்தியுள்ளது.
வாடிக்கையாளர்கள் தங்களுக்குப் பிடித்தமான பிராந்திய மொழிகளின் அடிப்படையில் தகுந்த தளங்களைத் தேர்ந்தெடுக்க இந்தத் திட்டம் வழிவகை செய்கிறது. அதன்படி, தமிழ், தெலுங்கு, மலையாளம் மற்றும் கன்னட மொழி உள்ளடக்கங்களுக்கு ‘சோனிலைவ் சவுத்’ தளத்தையும், பஞ்சாபி, ஹரியான்வி மற்றும் போஜ்புரி பொழுதுபோக்குகளுக்குச் ‘சௌபால்’ தளத்தையும், பிரத்தியேக மலையாள பொழுதுபோக்கு நிகழ்ச்சிகளுக்கு ‘மனோரமாமேக்ஸ்’ தளத்தையும் பயன்படுத்திக் கொள்ளலாம். மேலும், வங்காள மொழி பொழுதுபோக்கு படைப்புகளுக்கு ‘க்ளிக்’ மற்றும் ‘அட்டாடைம்ஸ்’ தளங்களும், ஒடியா மொழி உள்ளடக்கத்திற்காக ‘ஆவோ என்எஎக்ஸ்டி’ தளமும் இதில் இடம்பெற்றுள்ளன.
தனித்தனியாக ஒவ்வொரு தளத்திற்கும் தனித்தனிச் சந்தா செலுத்தும் பொருளாதாரச் சுமையைத் தவிர்த்து, வாடிக்கையாளர்கள் தங்களுக்குப் பிடித்தமான பிராந்திய பொழுதுபோக்கு அம்சங்களை மிகவும் குறைவான கட்டணத்தில் கண்டுகளிக்க இது ஒரு மிகச்சிறந்த வழிமுறையாக அமைகிறது.வெறும் ரூ.35 மதிப்பில் பிரத்தியேகமாக மொபைல் ஃபோன்களுக்காக அறிமுகப்படுத்தப்பட்டுள்ள இந்த ஆட்-ஆன் பேக் வாடிக்கையாளர்கள் தங்களுக்குப் பிடித்தமான இரண்டு பிராந்திய ஓடிடி தளங்களை 28 நாட்களுக்குத் தடங்கலின்றி ரசிக்க வழிவகுக்கிறது.
கூடுதலாக 7 நாட்கள் செல்லுபடியாகும் வகையில் 1 ஜிபி டேட்டாவையும் வழங்குகிறது. ஏற்கனவே செயலில் உள்ள சேவை-செல்லுபடியாகும் ரீசார்ஜ் திட்டம் வைத்துள்ள தகுதியான வி ப்ரீபெய்ட் வாடிக்கையாளர்கள் அனைவரும் இந்தச் சலுகையைப் பெற்றுப் பயனடையலாம்.
For English News
