September 3, 2026 
தண்டோரா குழு
நிலையான வேளாண்மை மற்றும் விவசாயிகளின் முன்னேற்றம் மீதான நீண்டகால உறுதிப்பாட்டை மீண்டும் வலியுறுத்தும் வகையில், இந்தியாவின் முன்னணி எஃப்எம் சிஜி நிறுவனங்களில் ஒன்றான மாரிகோ லிமிடெட், பாராசூட் கல்பவிருக்ஷா ஃபவுண்டேஷன் கீழ் விவசாயிகளை வலுப்படுத்தும் விரிவான திட்டத்தின் மூலம் உலக தேங்காய் தினம் 2026-ஐ கொண்டாடியது.
இந்த நிகழ்வைப் பற்றி மாரிகோ லிமிடெட்டின் தலைமை சட்ட அதிகாரி குழு பொது ஆலோசகர் மற்றும் சிஎஸ்ஆர் குழு செயலாளர் அமித் பாசின் கூறியதாவது,
“உலக தேங்காய் தினம் என்பது இந்தியாவின் தேங்காய் விவசாயிகள் சமூகத்துடனான எங்கள் உறுதிப்பாட்டை மீண்டும் வலியுறுத்தும் ஒரு வாய்ப்பாகும். கோயம்புத்தூர், கோவில்பாளையத்தில் நடைபெற்ற இந்த நிகழ்ச்சியில் 200-க்கும் மேற்பட்ட தேங்காய் விவசாயிகள் கலந்து கொண்டு, ஒரு நாள் நிபுணர் பயிற்சி, விழிப்புணர்வு அமர்வுகள் மற்றும் மாதிரி பண்ணை பார்வையில் பங்கேற்றனர்.
அறிவியல் மற்றும் நிலையான விவசாய முறைகளை ஊக்குவிப்பதே இதன் நோக்கமாக இருந்தது.இந்த நிகழ்ச்சி, மண்ணின் ஆரோக்கியத்தைப் பராமரித்தல், ஒருங்கிணைந்த பண்ணை மேலாண்மை, பயிர்களின் பாதிப்புகளைத் தாங்கும் திறன் மற்றும் உற்பத்தித்திறன் உயர்வு போன்ற முக்கிய பகுதிகளில் விவசாயிகளின் திறன்களை மேம்படுத்துவதில் கவனம் செலுத்தியது. மிகவும் நடைமுறைக்கு ஏற்ற கற்றல் அனுபவமாக வடிவமைக்கப்பட்ட இந்த முயற்சியில், வகுப்பறையில் அறிவுப் பகிர்வும் நேரடி வயல்வெளி விளக்கங்களும் இணைக்கப்பட்டன.
இதன் மூலம், சிறந்த வேளாண் நடைமுறைகள் எவ்வாறு செயல்படுத்தப்படுகின்றன என்பதை விவசாயிகள் நேரில் பார்த்து புரிந்து கொள்ள முடிந்தது.முக்கிய விருந்தினர்கள் கலந்து கொண்ட விளக்கேற்றும் நிகழ்ச்சியுடன் திட்டம் தொடங்கியது.
இதில் மாரிகோ சிஎஸ்ஆர் குழுவைச் சேர்ந்த சத்யா நாயுடு, சசிகுமார் கே. ஷாஜி குமார்,. பிரதீப்குமார், பாராசூட் கல்பவிருக்ஷா ஃபவுண்டேஷன் குழுவின் களப் பிரதிநிதிகள், முன்னாள் பஞ்சாயத்து தலைவர். செந்தில்குமார், முன்னேற்றம் கண்டுவரும் விவசாயிகள் தேவி மற்றும் சக்திவேல் ஆகியோர் கலந்து கொண்டனர்.
அன்றைய நிகழ்ச்சியின் முக்கிய அம்சமாக டாக்டர் என்.தண்டபாணி வழங்கிய நிபுணர் அமர்வு அமைந்தது.இதில் அறிவியல் சாகுபடி முறைகள், மண் ஊட்டச்சத்து மற்றும் ஒருங்கிணைந்த பண்ணை மேலாண்மை பற்றிய தகவல்கள் பகிரப்பட்டன. இவை பயிர்களின் ஆரோக்கியம், பாதிப்புகளைத் தாங்கும் திறன் மற்றும் நீண்டகால மகசூலை மேம்படுத்த உதவும்.மாதிரி தேங்காய் பண்ணைக்கு வழிகாட்டப்பட்ட நேரடி பார்வையுடன் திட்டம் நிறைவடைந்தது. அங்கு பங்கேற்ற விவசாயிகள் நிரூபிக்கப்பட்ட நிலையான விவசாய முறைகள், திறமையான நீர்ப்பாசன முறைகள் மற்றும் பயிர் மேலாண்மை நடைமுறைகளை நேரில் அறிந்து கொண்டனர்.
விவசாயிகளின் வளர்ச்சிக்கு மேலும் ஆதரவளிக்கும் வகையில், நிகழ்ச்சி முடிவில் அனைத்து பங்கேற்பாளர்களுக்கும் தரமான தேங்காய் நாற்றுகள் வழங்கப்பட்டன.ஒன்பது ஆண்டுகளுக்கு முன்பு உலக தேங்காய் தினத்தில் தொடங்கப்பட்ட பாராசூட் கல்பவிருக்ஷா ஃபவுண்டேஷன், தற்போது மாரிகோவின் முக்கியமான விவசாயிகள் தொடர்புத் திட்டங்களில் ஒன்றாக வளர்ந்துள்ளது. தேங்காய் சாகுபடி நடைபெறும் பகுதிகளில் அறிவியல் விவசாய முறைகளைப் பின்பற்றுவதை இது ஊக்குவித்து வருகிறது.
எஃப்ஒய் 26 நிலவரப்படி, இந்தத் திட்டத்தில் மொத்தமாக 2.05 லட்சத்துக்கும் மேற்பட்ட விவசாயிகள், 4.97 லட்சம் ஏக்கர் பரப்பில் இணைக்கப்பட்டுள்ளனர். அறிவியல் சார்ந்த பண்ணை ஆலோசனை சேவைகள், தொடர்ச்சியான நிபுணர் ஆதரவு மற்றும் கல்பவிருக்ஷா ஆப் போன்ற டிஜிட்டல் முயற்சிகள் மூலம், இணைந்த விவசாயிகளிடையே 15%-க்கும் அதிகமான உற்பத்தித்திறன் வேறுபாடு பதிவாகியுள்ளது.
For English News
