January 21, 2026 
தண்டோரா குழு
PSG மருத்துவ அறிவியல் மற்றும் ஆராய்ச்சி நிறுவனம் (PSG IMSR) மற்றும் மருத்துவமனையின் இதய நோயியல் துறை சார்பில்,மருத்துவமனை A பிளாக் (அடித்தளம்) பகுதியில் அமைந்துள்ள நவீன இதயக் கத்தீட்டரைக்சேஷன் ஆய்வகம் (Advanced Cath Lab) இன்று திறக்கப்பட்டது.
இந்த கேத் லேப்பை PSG & Sons’ Charities நிறுவனத்தின் மேலாண்மை அறங்காவலர் எல்.கோபாலகிருஷ்ணன் திறந்து வைத்தார். இந்நிகழ்ச்சியில் மருத்துவமனை இயக்குநர் டாக்டர் புவனேஸ்வரன்,மருத்துவ மேற்பார்வையாளர் வருண், PSG IMSR முதல்வர் சுப்பராவ்,நிர்வாக பொது மேலாளர் ஜகன்னாதன் உள்ளிட்டோர் கலந்து கொண்டனர்.
இதய நோயியல் துறை தலைவர் டாக்டர் தமிழரசு,மூத்த ஆலோசகர் டாக்டர் ராமசாமி, தடுப்பு இதய நோயியல் துறை மூத்த ஆலோசகர் டாக்டர் ராஜேந்திரன், மூத்த நிர்வாகிகள்,இதய நோயியல் மருத்துவர்கள், பேராசிரியர்கள் மற்றும் பலர் நிகழ்ச்சியில் பங்கேற்றனர்.
புதிய கேத் லேப்பில் அதிநவீன இமேஜிங் மற்றும் அஞ்ஜியோகிராபி கருவிகள், மேம்பட்ட இன்டர்வேன்ஷனல் தொழில்நுட்ப வசதிகள் அமைக்கப்பட்டுள்ளதால், சிக்கலான இதய நோய்களை துல்லியமாக கண்டறிந்து சிகிச்சையளிக்க முடியும்.
இந்த திறப்பு மூலம் PSG மருத்துவமனையின் இன்டர்வேன்ஷனல் கார்டியாலஜி வசதிகள் மேலும் விரிவுபடுத்தப்பட்டுள்ளன.
இதனுடன், ALLIA GEIGS-520 மற்றும் ALLIA GEIGS-320 தொழில்நுட்பத்துடன் கூடிய மேலும் இரண்டு கேத் லேப்கள் விரிவாக்கம் செய்யப்படுவதாக PSG மருத்துவமனை நிர்வாகம் அறிவித்துள்ளது.புதிய வசதி மூலம் விரைவான மற்றும் பாதுகாப்பான இதய சிகிச்சைகள் வழங்கப்படுவதுடன், நோயாளிகளின் சிகிச்சை முடிவுகள் மேம்படும் என மருத்துவமனை நிர்வாகம் தெரிவித்துள்ளது.
இது,பிராந்தியத்தில் உயர்தர மற்றும் எளிதில் அணுகக்கூடிய இதய சிகிச்சை வழங்கும் PSG மருத்துவமனையின் உறுதியான அர்ப்பணிப்பை பிரதிபலிக்கிறது.இந்த திறப்பு, தமிழகத்தில் முழுமையான இதய சிகிச்சை மையமாக PSG IMSR & மருத்துவமனையின் முக்கியத்துவத்தை மேலும் வலுப்படுத்துகிறது.
கோவை பெரியார் அறிவுலகம் திறக்கப்படும் பிப் 28 க்குள் திறக்கப்படும் – அமைச்சர் எ.வ.வேலு
சூழலியல் சீர்கேடுகளை மாற்ற மாணவர்கள் மக்கள் இயக்கமாகத் திரள வேண்டும்; ஒரு கிராமம் ஓர் அரசமரம் திட்ட துவக்க விழாவில் காவேரி கூக்குரல் தமிழ்மாறன் பேச்சு
கோவையில் ஜன.24, 25ம் தேதி நம்ம பாங்க் ஆஃப் பரோடா “ப்ரொபெர்டி ஃபேர் 2026” கண்காட்சி
PSG IMSR & மருத்துவமனையில் நவீன கேத் லேப் திறப்பு
கோவையில் 500-க்கும் மேற்பட்ட மாணவர்கள் கலந்து கொண்ட “ஸ்வர தாரங்கிணி” பஜன் போட்டி
பண்டைய பெண் ஞான மரபு மீளுருவாக்கம்:கோவையில் ‘ஏகா – தி ஒன்’ ஓவிய கண்காட்சி துவக்கம்
For English News
