December 28, 2025 
தண்டோரா குழு
விர்ஜின் என்டர்டெயின்மென்ட்ஸ் நிறுவனமும், ஹோட்டல் ரேடிசன் ப்ளூவும் இணைந்து, 2026 புத்தாண்டை வரவேற்கும் விதமாக ‘ஹபிபி – அரேபியன் நைட்ஸ்’ (Habibi – Arabian Nights) என்ற பிரம்மாண்ட விழாவை வரும் டிசம்பர் 31-ம் தேதி நடத்துகின்றன.
இது தொடர்பான பத்திரிகையாளர் சந்திப்பு இன்று ஹோட்டல் ரேடிசன் ப்ளூவில் நடைபெற்றது. இதில் விர்ஜின் என்டர்டெயின்மென்ட்ஸ் நிறுவனத்தைச் சேர்ந்த கங்கா தேவராஜன் கலந்துகொண்டு விழா பற்றிய விவரங்களைப் பகிர்ந்து கொண்டார்.
இந்த விழாவின் சிறப்பம்சமாக, அலங்காரங்கள் முதல் உணவு வரை அனைத்தும் அரேபிய மற்றும் இந்திய கலாச்சாரங்களின் கலவையாக இருக்கும். விழாவில் மூன்று சிறந்த டிஜேக்கள் (DJs), ரஷ்யாவிலிருந்து வரும் பெல்லி நடனக் கலைஞர்கள் மற்றும் கோயம்புத்தூரின் ‘ஷீ யூனிட்’ (She Unit) குழுவினரின் நடன நிகழ்ச்சிகள் எனப் பல்வேறு கலை நிகழ்ச்சிகள் நடைபெறவுள்ளன.
பார்வையாளர்களுக்கு அரேபிய மற்றும் இந்திய உணவுகள் கலந்த இரவு உணவு (Buffet), மற்றும் பானங்கள் (Cocktail/Mocktail) தடையின்றி வழங்கப்படும். குடும்பங்கள், நண்பர்கள் மற்றும் தம்பதிகள் என அனைவரும் மகிழும் வகையில் இந்த விழா அமையும். கோயம்புத்தூரில் இந்த ஆண்டின் இறுதியில் நடக்கும் மிக முக்கியமான நிகழ்வுகளில் ஒன்றாக இது இருக்கும் என்று எதிர்பார்க்கப்படுகிறது.
நிகழ்ச்சிக்கான டிக்கெட்டுகளை virginentertainments.com, BookMyShow மற்றும் District App ஆகியவற்றில் பெற்றுக்கொள்ளலாம்.
பெருநிறுவனங்களுக்கான மொத்த முன்பதிவு வசதிகளும் செய்யப்பட்டுள்ளன. பாதுகாப்புப் பணிகளுக்காகத் தொழில்முறை பாதுகாவலர்கள் நியமிக்கப்பட்டுள்ளனர்.
மேலும், விருந்துக்கு பின்னர் வாகனம் ஓட்ட முடியாத விருந்தினர்களுக்காகத் தனியார் டாக்ஸி நிறுவனங்களுடன் இணைந்து பாதுகாப்பான பயண வசதிகளும் செய்யப்பட்டுள்ளன. நள்ளிரவு 12 மணிக்கு மகிழ்ச்சியான புத்தாண்டு கோஷங்களுடன் இந்த விழா நிறைவடையும்.
கோவையில் அகில இந்திய ரியல் எஸ்டேட் கூட்டமைப்பின் கோவை மாவட்ட புதிய நிர்வாகிகள் தேர்வு தொடர்பாக ஆலோசனை கூட்டம்
கோவையில் ‘ஹபிபி – அரேபியன் நைட்ஸ்’ பிரம்மாண்ட 2026 புத்தாண்டு கொண்டாட்டம் !
கோவையில் எஸ் ஒன் ப்ரோ4680 பாரத் செல் பேட்டரி வசதியுடன் கூடிய ஓலா ஸ்கூட்டர் அறிமுகம் !
ரெக்ஸ் ஆர்த்தோ மருத்துவமனையில் முகம் – தாடை மற்றும் முக அழகு அறுவை சிகிச்சை மற்றும் பல் மருத்துவத்துறை துவக்கம் !
விவசாய நிலங்களில் விளைவது அனைத்தும் விவசாயிகளுக்கே சொந்தம்! பிரிட்டிஷ் கால சட்டங்களை மாற்ற மத்திய அமைச்சரிடம் சத்குரு கோரிக்கை
குளோபல் பீஸ் கோப்பை : 400 வீராங்கனைகள் கலந்து கொள்ளும் கால்பந்து போட்டிகள் – கோவையில் நடக்கிறது!
For English News
