January 25, 2017 
தண்டோரா குழு
“நாடு முழுவதும் திரையரங்குகளில் தேசிய கீதம் இசைக்கும் போது மாற்றுத் திறனாளிகள் எழுந்து நிற்கவேண்டிய கட்டாயமில்லை” என்று மத்திய அரசு அறிவித்துள்ளது.
திரையரங்குகளில் ஒவ்வொரு காட்சி தொடங்கும் முன் தேசிய கீதம் கட்டாயம் இசைக்கப்பட வேண்டும் என உச்ச நீதிமன்றம் கடந்த வருடம் டிசம்பர் 1-ம் தேதி உத்தரவிட்டுள்ளது.
“நாடு முழுவதும் திரையரங்குகளில் ஒவ்வொரு காட்சி தொடங்கும் முன்பும் தேசிய கீதம் கட்டாயம் இசைக்கப்பட வேண்டும். அப்போது, பார்வையாளர்கள் எழுந்து நின்று மரியாதை செலுத்த வேண்டும். தேசிய கீதம் இசைக்கப்படும்போது, திரையில் தேசியக் கொடியைக் காட்ட வேண்டும்“ என்று உச்ச நீதிமன்றம் உத்தரவிட்டது.
திரையரங்கில் தேசிய கீதம் இசைக்கும் போது மாற்றுத் திறனாளிகள் எழுந்து நிற்பதில் சிரமம் உள்ளது என்ற காரணத்தினால் மாற்றுத்திறனாளிகளுக்கு புதிய வழிமுறைகளை வகுத்திட வேண்டும் என மத்திய அரசிடம் சமூக ஆர்வலர்கள் கோரிக்கை விடுத்திருந்தனர்.
இது குறித்து மத்திய அரசு புதன்கிழமை வெளியிட்டுள்ள செய்தி குறிப்பில், “திரையரங்கில் தேசிய கீதம் இசைக்கும் போது மாற்றுத் திறனாளிகள் எழுந்து நிற்க வேண்டிய கட்டாயமில்லை. ஆனால், தேசிய கீதம் இசைக்கும் போது, அவர்கள் சைகைகள் எதுவும் செய்யக்கூடாது. அமைதியாக அமர்ந்திருக்க வேண்டும். திரையரங்கில் தேசிய கீதம் இசைக்கும் முன் கண்டிப்பாகத் திரையில் அறிவிப்பு செய்ய வேண்டும். தேசிய கீதம் இசைக்கும்போது பார்வைக் குறைபாடு மட்டும் உள்ளவர்கள் முடிந்தால் எழுந்து நிற்கலாம்“ என்று குறிப்பிட்டுள்ளது
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
