January 19, 2017 
தண்டோரா குழு
ஜல்லிக்கட்டு நடத்த தேவையான நடவடிக்கையை மத்திய அரசுடன் இணைந்து மாநில அரசு எடுக்கும். மாநில அரசின் நடவடிக்கையைக் கூடிய விரைவில் காண்பீர்கள்” என முதலமைச்சர் ஓ. பன்னீர்செல்வம் கூறினார்.
புது தில்லியில் உள்ள பிரதமர் அலுவலகத்தில் பிரதமர் மோடியைத் தமிழக முதலமைச்சர் ஓ. பன்னீர்செல்வம் வியாழக்கிழமை சந்தித்துப் பேசினார். பின்னர் புது தில்லியில் செய்தியாளர்களிடம் அவர் கூறியதாவது:
“தமிழகத்தில் ஜல்லிக்கட்டு போட்டி நடத்த மத்திய அரசு அவசர சட்டத்தைக் கொண்டு வர வேண்டும் எனவும், தமிழகத்தில் பருவமழை பொய்த்ததன் காரணமாக கடுமையான வறட்சி ஏற்பட்டுள்ளதால், வறட்சி நிவாரண நிதியாக 39 565 கோடி ரூபாய் ஒதுக்க வேண்டும் எனவும் கடிதம் மூலமாக பிரதமர் மோடியிடம் கேட்டிருந்தேன்.
இது குறித்து நேரில் சந்தித்துப் பேசவும் பிரதமரிடம் நேரம் ஒதுக்க கேட்டிருந்தேன். இதனையடுத்து பிரதமர் வியாழக்கிழமை காலையில் சந்திக்க எனக்கு நேரம் ஒதுக்கினார்.
நானும் பிரதமரைச் சந்தித்து தமிழகத்தில் தடை செய்யப்பட்ட ஜல்லிக்கட்டை நடத்துவதற்கு அவசரச் சட்டத்தை மத்திய அரசு கொண்டு வர வேண்டும் என வலியுறுத்தினேன். பிரதமர் மிகவும் பரிவுடன் நமது கருத்தைக் கேட்டார். இந்தப் பிரச்னையில், தமிழக உணர்வுக்கு மிகுந்த மதிப்பளிப்பதாகவும், ஜல்லிக்கட்டு விவகாரம் தொடர்பாக மாநில அரசு எடுக்கும் நடவடிக்கைக்கு மத்திய அரசு உறுதுணையாக இருக்கும் எனவும் பிரதமர் மோடி என்னிடம் தெரிவித்தார்.
ஜல்லிக்கட்டு நடத்த தேவையான நடவடிக்கையை மத்திய அரசுடன் இணைந்து மாநில அரசு எடுக்கும். மாநில அரசின் நடவடிக்கையைக் கூடிய விரைவில் நீங்கள் காண்பீர்கள். நன்மையே யாவும் நன்மையே விளையும்.”
இவ்வாறு ஓ.பன்னீர்செல்வம் கூறினார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
