May 5, 2023 
தண்டோரா குழு
கோவை மாநகராட்சி கிழக்கு மண்டலத்தில் ஒண்டிப்புதூர், சக்தி நகர் மற்றும் குமுதம் நகர் பகுதிகளில் ரூ.1.88 கோடி மதிப்பீட்டில் 1.96 கிலோ மீட்டர் தொலைவிற்கு சாலை அமைக்கும் பணி நடைபெற்று வருகிறது.
அதே போல், 56வது வார்டு பகுதியில் ரூ.29.10 லட்சம் மதிப்பீட்டில் சாலை பணி நடைபெற்று வருகிறது. விளாங்குறிச்சி பகுதியில் ரூ.56 லட்சம் மதிப்பீட்டில் சுகாதார ஆய்வாளர் அலுவலக கட்டுமானப் பணி நடைபெற்று வருகிறது. இப்பணிகளை மாநகராட்சி கமிஷனர் பிரதாப் நேரில் சென்று பார்வையிட்டு பணிகளை விரைவாகவும், தரமாகவும் செய்து முடிக்க பொறியாளர்களுக்கு உத்தரவிட்டார்.
அதனைத்தொடர்ந்து சிங்காநல்லூரில் நகர்ப்புற ஆரம்ப சுகாதார நிலையத்தில் கர்ப்பிணி தாய்மார்கள், தாய் சேய்களுக்கு போடப்படும் தடுப்பூசிகள், உள் மற்றும் புற நோயாளிகளுக்கு அளிக்கப்பட்டு வரும் சிகிச்சை முறைகள், அறுவைசிகிச்சை மையம், மருந்து மாத்திரைகளின் இருப்புகள் மற்றும் பதிவேடுகளை மாநகராட்சி கமிஷனர் நேரில் சென்று பார்வையிட்டு ஆய்வு செய்தார்.
பின்னர், அவர் நோயாளிகளிடம் சிகிச்சை முறைகள் குறித்து கேட்டறிந்தார். அப்போது, அரசு மருத்துவமனைகளுக்கு வரும் நோயாளிகளிடம் கனிவாக பேசி தரமான சிகிச்சை அளித்திட மருத்துவர்களுக்கு மாநகராட்சி கமிஷனர் அறிவுறுத்தினார்.
மேலும், மருத்துவமனையில் ரூ.68.50 லட்சம் மதிப்பீட்டில் கட்டப்பட்டு வரும் கூடுதல் மருத்துவமனை கட்டிடத்தை பார்வையிட்டு பணியினை விரைவில் முடித்து பயன்பாட்டிற்கு கொண்டுவர உத்தரவிட்டார். பின்னர், டாடாபாத் பகுதியில் உள்ள மாநகராட்சி அறிவியல் பூங்காவில் நடைபெற்று வரும் புனரமைப்பு பணிகளை நேரில் பார்வையிட்டு ஆய்வு செய்தார்.
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
For English News
