March 9, 2023 
தண்டோரா குழு
கோவை சோமனூர் பகுதியை சேர்ந்தவர் செல்வராஜ் (62). இவர் எலக்ட்டிரீசியன் தொழில் செய்து வருகிறார். இவரது மனைவி ருக்குமணி (50). இவர்களுக்கு ஒரு மகன் மற்றும் மகள் உள்ளனர். மகன் எலக்ட்டிரீசியன் தொழில் செய்து வருகிறார். மகள் இன்ஜினியரிங் படித்து வருகிறார். ருக்குமணிக்கு ஒரு தங்கை உள்ளார். அவரது பெயர் உமாதேவி(40). இவர் சற்று மனநலம் பாதிக்கப்பட்டவர்.
செல்வராஜ் குடும்பத்தார் இவரை பாதுகாத்து பராமரித்து வந்துள்ளனர். இதனிடையே உமாதேவி கடந்த இரண்டு ஆண்டுகளுக்கு முன்னர் காணமல் போய் உள்ளார். குடும்பத்தார் பல்வேறு இடங்களில் தேடி வந்துள்ளனர்.
இந்நிலையில் கேரளா அரசு வீடற்று சாலையில் சுற்றுபவர்களை மீட்டு அவரது குடும்பத்தாரிடம் சேர்க்கும் திட்டத்தை தனியார் தொண்டு நிறுவனங்கள் உதவியுடன் செய்து வருகிறது. இதன் ஒரு பகுதியாக காந்திபவன் அறக்கட்டளை நிர்வாகிகள் கேரளா கொல்லம் அருகே கடந்த இரண்டு மாதங்களுக்கு முன்பு உமாதேவியை மீட்டுள்ளனர். பின்னர் அறக்கட்டளை செயலாளர் புனலூர் சோமராஜன் ஏற்பாட்டின் பேரில் அவருக்கு மருத்துவ ஆலோசனை வழங்கப்பட்டது. இதில் உமாதேவி அவரது உறவினர்களை பற்றி தெரிவித்தார். இதனை அடுத்து கோவை கருமத்தம்பட்டி போலீசாரை தொடர்பு கொண்டு விவரத்தை தெரிவித்துள்ளனர். கருமத்தம்பட்டி போலீசாரின் முயற்சியால் உமாதேவியின் குடும்பம் கண்டுபிடிக்கப்பட்டு அறக்கட்டளை நிர்வாகிகளுக்கு தகவல் தெரிவிக்கப்பட்டது.
இதனை அடுத்து இன்று காலை கருமத்தம்பட்டி காவல் நிலையில் உமாதேவியை அவரது குடும்பத்தாரிடம் அறக்கட்டளை நிர்வாகிகள் ஒப்படைத்தனர்.
இதுகுறித்து செல்வராஜ் கூறுகையில்,
“எனது மாமியர் இருப்பதற்கு முன்னால் உமாதேவியை பார்த்துக்கொள்ள வேண்டும் என கேட்டுக்கொண்டார். இதனை அடுத்து கடந்த 20 ஆண்டுகளுக்கும் மேலாக அவரை எனது குடும்பம் பாரமரித்து வருகிறோம். இந்நிலையில் அவர் கடந்த இரண்டு அண்டுகளுக்கு முன் காணமல் போனார். பல்வேறு இடங்களில் தேடி அலைந்தோம். தற்போது கிடைத்துள்ளார். அவர் கிடைக்க முயற்சி மேற்கொண்ட அனைவருக்கும் நன்றிகள்,” என்றார்.
உமாதேவி தனது குடும்பத்தாரை பார்த்ததும் அடையாளம் கண்டு கொண்டார். இரண்டு அண்டு பின் காணமல் போனவர் குடும்பத்தினருடன் மீண்டும் சேர்ந்தது அப்பகுதி மக்களிடையே நெகிழ்ச்சியை ஏற்படுத்தியுள்ளது.
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
மல்டி அசெட் அலோகேஷன் ஃபண்ட் குரோ மியூச்சுவல் ஃபண்ட் நிறுவனம் அறிமுகம்
பிரபல கிரிக்கெட் வீரர் ஜான்டி ரோட்ஸ் நடித்துள்ள ‘கேஷ்பேக் கேட்சர்’புதிய விளம்பரம்: சூப்பர்.மணி அறிமுகம்
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
For English News
