January 3, 2017 
தண்டோரா குழு
மேற்கு வங்க மாநிலம், பர்த்வான் மாவட்டத்தில் உள்ள கல்சி என்னும் கிராமத்தில், கள்ளச் சாராயம் குடித்து 6 பேர் உயிரிழந்தனர். 3௦ பேர் உயிருக்கு ஆபத்தான நிலையில் உள்ளனர்.
இது குறித்து காவல்துறை அதிகாரி செய்தியாளர்களிடம் திங்கள்கிழமை (ஜனவரி 2) கூறியதாவது:
மேற்கு வங்க மாநிலத்தில் பர்த்வான் மாவட்டத்தில் உள்ள ராம்கோபால்பூர் என்னும் கிராமத்தில் கள்ளச் சாராயம் குடித்து ஆபத்தான நிலையில் பர்த்வான் மருத்துவமனை மற்றும் புர்ஷா மருத்துவமனையில் சிகிச்சைக்காகச் சேர்க்கப்பட்டனர்.
ஆனால், சிகிச்சை பலனின்றி அவர்களில் 6 பேர் உயிரிழந்தனர். 3௦ பேர் உயிருக்குப் போராடி வருகின்றனர். அவர்களில் 18 பேருடைய நிலை கவலைக்கிடமாக இருப்பதாக மருத்துவர்கள் தெரிவித்துள்ளனர். இச்சம்பவம் குறித்து விசாரணை மேற்கொண்டுள்ளோம். விரைவில் சம்பந்தப்பட்ட நபர்களைக் கைது செய்வோம்.
இவ்வாறு அவர் தெரிவித்தார்.
For English News
