ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

தமிழக அரசின் வலிமை சிமெண்ட் ஒரே மாதத்தில் 61 ஆயிரம் மெட்ரிக் டன் சிமெண்ட் விற்பனை

June 13, 2022

தண்டோரா குழு

தமிழக அரசின் கீழ் இயங்கும் தமிழ்நாடு சிமெண்ட்ஸ் கழகத்தின் மூலம் உயர்தர வலிமை சிமெண்ட் அன்மையில் தமிழக முதல்வர் மு.க.ஸ்டாலினால் அறிமுகப்படுத்தப்பட்டது.

இந்த புதிய ரக வலிமை சிமெண்ட் அதிக உறுதியும், விரைவான உலரும் தன்மையும், அதிக வெப்பத்தை தாங்கும் தன்மையும் கொண்டது. தமிழக அரசின் வலிமை சிமெண்ட் உறுதித்தன்மை வாய்ந்தது. இந்த சிமெண்ட் தரத்தின் அடிப்படையில் சிமெண்ட் மூட்டை ரூ.335 மற்றும் ரூ.350 என இரு விலைகளில் விலை நிர்ணயம் செய்யப்பட்டுள்ளன. கூடுதலாக ரூ.35 வரை போக்குவரத்து செலவுக்கு வசூலிக்கப்படுகிறது.

தற்போதைய மூலப்பொருட்களின் விலையின் அடிப்படையில் சிமெண்ட்டின் விலை நிர்ணயிக்கப்பட்டுள்ளது. தமிழ்நாடு சிமெண்ட்ஸ் கழகம் என்ற பெயரில் சிமெண்ட் விற்பனை செய்து வருகிறது.

தமிழ்நாடு சிமெண்ட்ஸ் கழகத்தின் வலிமை சிமெண்ட் விற்பனை தொடர்பாக முகவர்களுக்கு விழிப்புணர்வு ஏற்படுத்தப்பட்டது. இதன் காரணமாக முகவர்கள் எண்ணிக்கை தமிழகம் முழுவதும் அதிகரித்து வலிமை சிமெண்ட் விற்பனை அதிகரித்துள்ளது.

இதுகுறித்து தமிழ்நாடு சிமெண்டஸ் கழக அதிகாரி ஒருவர் கூறுகையில்,

‘‘தமிழகம் முழுவதும் வலிமை சிமெண்ட் விற்பனை அதிகரித்துள்ளது. பொதுமக்களிடம் நல்ல வரவேற்பு உள்ளது. மேலும் வலிமை சிமெண்ட் விற்பனையை அதிகரிக்க நடவடிக்கை எடுக்கப்பட்டுள்ளது. முகவர்களுடன் நடத்தப்பட்ட விழிப்புணர்வு கூட்டம் நல்ல பயனை தந்துள்ளது. கடந்த மாதத்தில் மட்டும் தமிழகம் முழுவதும் 61 ஆயிரம் மெட்ரிக் டன் வலிமை சிமெண்ட் விற்பனை செய்யப்பட்டுள்ளது.

வலிமை சிமெண்ட் அறிமுகம் செய்த நாளில் இருந்து தற்போது வரை 1 லட்சத்து 80 ஆயிரம் மெட்ரிக் டன் சிமெண்ட் விற்பனை செய்யப்பட்டுள்ளது,’’ என்றார்.

தமிழக அரசின் வலிமை சிமெண்ட் ஒரே மாதத்தில் 61 ஆயிரம் மெட்ரிக் டன் சிமெண்ட் விற்பனை

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்