June 9, 2022 
தண்டோரா குழு
கோவை மாவட்ட ஆட்சியர் அலுவலகத்தில் மாவட்ட முன்னோடி வங்கி சார்பில் 75 வாடிக்கையாளர்களுக்கு ரூ.12.60 கோடி கடன்கள் பெறுவதற்கான ஆணையினை ஆட்சியர் சமீரன் வழங்கினார்.
மாவட்ட முன்னோடி வங்கி சார்பில் பல்வேறு வங்கி பயனாளிகளுக்கு கல்வி கடன், வீட்டுவசதி, முத்ரா கடன் உள்ளிட்ட பல்வேறு கடன்கள் வழங்கப்பட்டு வருகின்றன. இதனிடையே 75 வாடிக்கையாளர்களுக்கு ரூ.12.60 கோடி மதிப்பில் கடன் பெறுவதற்கான ஆணைகளையும்,வங்கிகளில் சிறப்பாக பணிபுரிந்த அலுவலர்கள், பணியாளர்கள், சிறப்பாக செயல்பட்ட வங்கி கிளைகள் மற்றும் சிறந்த வங்கி முகவர் என மொத்தம் 75 நபர்களுக்கு பாராட்டுச் சான்றிதழ்களை ஆட்சியர் மற்றும் நாடாளுமன்ற உறுப்பினர்கள் வழங்கினார்கள்.
கோவை மாவட்டத்தில் உள்ள அனைத்து வங்கிகளின் மூலம் இந்த மாதத்தில் கல்வி கடன், விவசாய கடன், வீட்டு கடன், சுயஉதவி குழு கடன், சிறு குறு தொழில் தொடங்க கடன், தனி நபர் கடன், வாகன கடன் என 13 ஆயிரத்து 562 கடன் கணக்குகள் தொடங்கப்பட்டு ரூ.355 கோடி கடன் வழங்கப்பட்டுள்ளது.
இந்நிகழ்ச்சியில் நாடாளுமன்ற உறுப்பினர்கள் பி.ஆர்.நடராஜன் (கோவை), சண்முகசுந்தரம் (பொள்ளாச்சி), கனரா வங்கி மண்டலத் தலைவர் ஸ்ரீனிவாசராவ், இந்தியன் வங்கி மண்டலத் தலைவர் சீனிவாசன், இந்தியன் ஓவர்சீஸ் வங்கியின் மண்டலத் தலைவர் விஜயா, பஞ்சாப் நேஷனல் வங்கியின் மண்டல மேலாளர் ஸ்ரீனிவாஸ், பாரத ஸ்டேட் வங்கி மண்டல மேலாளர் இன்பரசன், சி.டி.சி.சி. மேலாண் இயக்குநர் இந்துமதி, பாங்க் ஆப் இந்தியா உதவி பொது மேலாளர் ராஜி முனுசாமி, நபார்டு வங்கி மாவட்ட வளர்ச்சி மேலாளர் திருமலராவ் மற்றும் பலர் கலந்து கொண்டனர்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
