May 16, 2022 
தண்டோரா குழு
தமிழக முதல்வர் மு.க.ஸ்டாலின் வரும் 19ஆம் தேதி கோயம்புத்தூர் வ.உ.சி மைதானத்தில், “பொருநை”அகழ்வாராய்ச்சி கண்காட்சி மற்றும் ஓராண்டு சாதனைகள் ஓவியக்கண்காட்சியை திறந்து வைத்து பார்வையிட உள்ளார்.
இதுதொடர்பான நிகழ்ச்சி முன்னேற்பாடுகள் வ.உ.சி மைதானத்தில் நடைபெற்று வருகிறது. இந்த நிலையில் தற்போது மின்சாரத்துறை அமைச்சர் செந்தில் பாலாஜி வ.உ.சி மைதானத்தில் அமைக்கப்பட்டுவரும் “பொருநை” அகழ்வாராய்ச்சி கண்காட்சி முன்னேற்பாடு பணிகளை நேரில் பார்வையிட்டு ஆய்வு மேற்கொண்டார்.
அமைச்சர் செந்தில் பாலாஜி, மாவட்ட ஆட்சியர் சமீரன்,மாநகர காவல் ஆணையாளர் பிரதீப் ஆகியோர் முதல்வர் வரும் மைதானத்தை பார்வையிட்டனர்.இதை தொடர்ந்து அமைச்சர் செந்தில்பாலாஜி செய்தியாளர் சந்திப்பில் பேசும்பொழுது,19 ம் தேதி காலை முதல்வர் ஒன்பது முப்பது மணிக்கு வஉசி மைதானத்தில் ஓராண்டு சாதனை புகைப்பட கண்காட்சி மற்றும் பொருநை அருங்காட்சியகத்தை திறந்து வைக்கிறார். பிறகு 10 மணி அளவில் ரெசிடென்சி ஓட்டலில் தொழில் முனைவோர்கள் கலந்துரையாடல் நிகழ்ச்சி நடைபெறுகிறது.
இரண்டு நிகழ்ச்சிகள் கோவை மாவட்டத்தில் நடைபெறுகிறது.முதல்வர் வருகையையொட்டி 10 இடங்களில் பிரமாண்டமான வரவேற்பு நிகழ்ச்சிகள் நடைபெறுகிறது.நாளை மாலைக்குள் இந்த பணிகள் முடிவடையும்.அதற்கான சிறப்பான ஏற்பாடுகளை மாவட்ட ஆட்சியர் தலைமையில் நடைபெற்று வருகிறது.இந்த கண்காட்சி பத்து நாட்கள் நடைபெறுகிறது .பள்ளி மாணவ மாணவிகள் பொதுமக்கள் இந்த புகைப்பட கண்காட்சியை கண்டு களிக்கலாம் என தெரிவித்தார்.
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
For English News
