May 11, 2022 
தண்டோரா குழு
முழுக்க முழுக்க இந்திய தயாரிப்பில் உருவாகி உள்ள இணையதள சேவை உபகரணம் ஓ.எல்.டி.(OLT) அறிமுக விழா கோவையில் நடைபெற்றது.
வீடுகள்,தனியார் மற்றும் அரசு நிறுவனங்களில் இணையதள சேவை வழங்குவதில் பல்வேறு தனியார் நிறுவனங்கள் செயல்பட்டு வருகின்றன.இந்த சேவையை வழங்குவதற்கு முக்கிய உபகரணமாக ஓ.எல்.டி.(OLT) பயன்படுத்தபட்டு வருகின்றது.இது வரையில் சீன நாட்டின் தயாரிப்பில் ஓ.எல்.டி.பயன்படுத்தபட்டு வந்த,நிலையில் தற்போது தொலை தொடர்பு நிறுவனத்திற்கு தேவையான உபகரணங்களை தயாரித்து கொடுக்கும் டாடா நிறுவனத்தின் பெங்களூரை சேர்ந்த தேஜாஸ் நெட் வொர்க் முழுக்க இந்திய தயாரிப்பாக ஓ.எல்.டி.யை தயாரித்து இந்திய சந்தைக்கு அறிமுகம் செய்துள்ளனர்.
இந்நிலையில் இந்நிறுவனத்தின் தயாரிப்பு உபகரணமான ஓ.எல்.டி.அறிமுக விழா கோவையில் நடைபெற்றது.ஸ்ரீ வாரி நிறுவனத்துடன் இணைந்து நடைபெற்ற இந்நிகழ்ச்சியில் ,ஸ்ரீ வாரி நிறுவனத்தின் தொழில் நுட்ப இயக்குனர் ஜீவானந்தம் மற்றும் இயக்குனர் சுகுமார் ஆகியோர் தலைமை வகித்தனர்.சிறப்பு விருந்தினராக தேஜாஸ் நெட்வொர்க் நிறுவனத்தின் விற்பனை பிரிவு துணை தலைவர் மோகன் ஷியாம் தூபே கலந்து கொண்டு ஓ.எல்.டி.விற்பனை சேவையை துவக்கி வைத்தார்.
இந்நிகழ்ச்சியில் இணையதள சேவை வழங்கும்க பல்வேறு நிறுவனத்தினர் கலந்து கொண்டனர். இதுவரை,இணையதள சேவையில் சீன நாட்டின் உபகரணத்தை பயன்படுத்தி வந்த நிலையில் தற்போது அதிக உத்தராவதாத்துடன் முழுக்க இந்திய தயாரிப்பாக வந்துள்ள புதிய ஓ.எல்.டி.இணையதள சேவை துறையினரிடையே பெரும் வரவேற்பை பெற்று வருவது குறிப்பிடதக்கது.
For English News
