March 21, 2022 
தண்டோரா குழு
75-வது சுதந்திர தினவிழாவையொட்டி ‘சுதந்திர திருநாள் அமுதப்பெருவிழா’ கோவை மாவட்டம் செய்தி மக்கள் தொடர்புத்துறையின் சார்பில் வ.உ.சி மைதானத்தில் பல்துறை பணிவிளக்க கண்காட்சிகள் நடைபெறவுள்ளது. இதுகுறித்து அனைத்து துறை அலுவலர்களுடனான ஆலோசனைக் கூட்டம் ஆட்சியர் அலுவலக கூட்டரங்கில் ஆட்சியர் சமீரன் தலைமையில் நடைபெற்றது.
இக்கூட்டத்தில் அவர் தெரிவித்ததாவது:
75-வது இந்திய சுதந்திர தின பவள விழாவினையொட்டி அனைத்து மாவட்டங்களிலும் செய்தி மக்கள் தொடர்புத் துறையின் சார்பில் ‘சுதந்திர திருநாள் அமுதப்பெருவிழா’ நடத்தப்பட்டு வருகிறது.அதன்படி கோவை மாவட்டத்தில் வரும் 30ம் தேதி முதல் ஏப்ரல் மாதம் 5ம் தேதி வரையிலான 7 நாட்களும் மாலை 4 மணி முதல் இரவு 9 மணிவரை வ.உ.சி மைதானத்தில் பல்துறை பணிவிளக்க கண்காட்சிகள் நடைபெறவுள்ளது.
இக்கண்காட்சியில் அமைச்சர் பெருமக்கள், நாடாளுமன்ற, சட்டமன்ற உறுப்பினர்கள், மாவட்ட கலெக்டர் மற்றும் அரசு உயர் அலுவலர்கள் பலர் கலந்து கொண்டு பல்துறை பணிவிளக்க கண்காட்சியினை துவங்கி வைக்க உள்ளனர். இக்கண்காட்சியில் செய்தி மக்கள் தொடர்பு துறையின் சார்பில் கோவை மாவட்டத்தை சேர்ந்த சுதந்திர போராட்ட வீரர்களின் புகைப்படங்கள், அவர்களை பற்றிய சிறு குறிப்புடன் இடம்பெறவுள்ளன.
வேளாண்மைத்துறை,தோட்டக்கலைத்துறை, வேளாண்மை பொறியியல்துறை, மகளிர் திட்டம், வருவாய்த்துறை, கால்நடை பராமரிப்புத்துறை, மாற்றுத்திறனாளிகள் நலத்துறை, சுகாதாரத்துறை,மாவட்ட சமூகநலத்துறை, ஒருங்கிணைந்த குழந்தைகள் வளர்ச்சி திட்டப்பணிகள் உள்ளிட்ட துறைகள் தங்கள் துறைகளில் செயல்படுத்தப்பட்டு வரும் அரசு நலத்திட்டங்கள் குறித்த அரங்குகள் அமைக்கப்படவுள்ளது.
மேலும் பள்ளிக்கல்வித்துறை, உயர்கல்வித்துறை மற்றும் விளையாட்டு மேம்பாட்டுத்துறை ஆகிய துறைகளை ஒருங்கிணைத்து 75-வது சுதந்திர தின பவள விழாவினையொட்டி மாரத்தான் ஓட்டம், மாவட்ட அளவில் கட்டுரை போட்டி, பேச்சுப்போட்டி மற்றும் ஓவியப் போட்டிகள் நடத்தப்படவுள்ளன. கலைப்பண்பாட்டுத்துறை மற்றும் சுற்றுலாத்துறைகளின் சார்பில் சுதந்திரப் போராட்ட வீரர்களின் வரலாறு குறித்த கலைநிகழ்ச்சிகள் மாலை நேரங்களில் அனைத்து நாட்களிலும் நடைபெறவுள்ளன.
அனைத்து துறை அலுவலர்களும் ஒருங்கிணைந்து செயல்பட்டு பிற மாவட்டங்களில் நடைபெற்றதை விட சிறப்பாக இப்பல்துறை பணிவிளக்க கண்காட்சியினை நம் மாவட்டத்தில் நடத்திட வேண்டும்.
இவ்வாறு தெரிவித்தார்.
இக்கூட்டத்தில் மாவட்ட ஊரக வளர்ச்சி முகமை திட்ட இயக்குநர் கவிதா, திட்ட இயக்குநர் (மகளிர் திட்டம்) சந்திரா, செய்தி மக்கள் தொடர்பு அலுவலர் செந்தில் அண்ணா, மாவட்ட கலெக்டரின் நேர்முக உதவியாளர் (பொது) முத்துராமலிங்கம், மாவட்ட முதன்மை கல்வி அலுவலர் கீதா உட்பட பலர் கலந்து கொண்டார்கள்.
பிஹிஐஎம் மற்றும் போக்குவரத்து ஆப் சென்னை ஒன் இணைந்து பயணிகளுக்கு ரூ.1 க்கு டிக்கெட் வழங்குகின்றன
28வது ஜேகே டயர் எப்எம்எஸ்சிஐ தேசிய பந்தய சாம்பியன்ஷிப் 2025 இறுதிப்போட்டி: கோவையில் நவம்பர் 15, 16-ந்தேதிகளில் நடைபெறுகிறது
கேஎம்சிஹெச் மருத்துவமனை சார்பில் கோவை வீரியம்பாளையத்தில் 2.18 கோடி மதிப்பீட்டில் புதிய மாநகராட்சி நடுநிலைப்பள்ளி கட்டிடம் திறப்பு !
கோவையில் யூனியன் பேங்க் ஆப் இந்தியா 107வது நிறுவன தினவிழா கொண்டாட்டம்
நிதியாண்டு 26 இன் முதலாம் அரையாண்டில் ரூபாய்.113.88 கோடி ஒருங்கிணைந்த வரிக்குப் பிந்தைய லாபம் பிரிகோல் நிறுவனம் அறிவிப்பு
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
For English News
