ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

உக்கடம் பெரியகுளத்தில் மிதக்கும் சூரிய மின்சக்தி நிலையம் அமைக்க திட்டம்

March 10, 2022

தண்டோரா குழு

கோவை மாநகராட்சிகளில் உள்ள குளங்களில் உக்கடம் பெரியகுளம் மிகவும் முக்கியமான குளமாக கருதப்படுகிறது. சுமார் 327 ஏக்கர் பரப்பளவு கொண்ட இக்குளம் 5.60 அடி வரை ஆழம் கொண்டது.

தென்மேற்கு பருவமழை காலங்களில் நொய்யல் ஆற்றில் இருந்து வரும் நீர் மூலம் இக்குளம் முழு கொள்ளளவை எட்டும். கோவை மாநகராட்சியில் ஸ்மார்ட் சிட்டி திட்டத்தின் கீழ் குளங்களை சீரமைக்கும் பணிகள் நடைபெற்று வருகிறது. இவற்றில் உக்கடம் பெரியகுளத்தில் குய்க்வின் பகுதியில் 1.2 கி.மீ. தூரத்திற்கு ரூ.39.74 கோடி மதிப்பீட்டிலும், பேஸ்-1 பகுதியில் 4.3 கி.மீ. தூரத்திற்கு ரூ.62 கோடி மதிப்பீட்டிலும் குளத்தினை புனரமைத்து, சீரமைக்கும் பணிகள் நடைபெற்றது.

100 சதவீதம் பணிகள் நிறைவடைந்ததை அடுத்து மக்கள் பயன்பாட்டிற்காக உக்கடம் பெரியகுளம் திறக்கப்பட்டது. இந்நிலையில் உக்கடம் பெரியகுளத்தில் கோவை மாநகராட்சியின் மூலம் மிதக்கும் சூரிய மின்சக்தி நிலையம் அமைக்க திட்டமிடப்பட்டுள்ளது. இதற்காக முதல் கட்டமாக ஆய்வு அறிக்கை தயார் செய்யும் பணி விரைவில் துவங்க உள்ளது.

இதுகுறித்து மாநகராட்சி அதிகாரி ஒருவர் கூறுகையில்,

‘‘ உக்கடம் பெரியகுளத்தில் முதல் கட்டமாக சுமார் 50 ஏக்கர் அளவில் மிதக்கும் சூரிய மின்சக்தி நிலையம் அமைக்க திட்டமிடப்பட்டுள்ளது.இதற்காக முதல் கட்டமாக வல்லுநர் குழு மூலம் விரைவில் ஆய்வு மேற்கொள்ளப்படும்.அதன் பின் ஆய்வு அறிக்கை தயார் செய்யப்படும். இதில் மிதக்கும் சூரிய சக்தி நிலையம் அமைக்க சாத்திய குறுகள் உள்ளனவா? எவ்வுளவு நீலம், அகலத்தில் அமைக்கலாம், எவ்வுளவு செலவில் அமைக்கலாம், எவ்வுளவு மின்சக்தி பெறலாம், போன்றவைகள் ஆய்வு செய்யப்படும்,’’ என்றார்.

உக்கடம் பெரியகுளத்தில் மிதக்கும் சூரிய மின்சக்தி நிலையம் அமைக்க திட்டம்

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்