வள்ளுவரைப் பற்றிய அடிப்படை புரிதல் ஆளுநருக்கு இல்லை: கனிமொழி
தெலங்கானா முதலமைச்சராக பதவியேற்றார் ரேவந்த் ரெட்டி;
தமிழகத்தில் இயல்பை விட இந்த ஆண்டு, வடகிழக்கு பருவமழை குறைவு –
மிக்ஜாம் புயல்: தமிழ்நாட்டுக்கு ரூ.450 கோடி நிதி ஒதுக்கீடு!
மத்தியில் ஆட்சிக்கு வந்ததும் சாதிவாரி கணக்கெடுப்பை நடத்துவோம்-ராகுல் காந்தி

பைனலில் சென்னை, ஹைதராபாத் போராட்டம் வீண்!

May 23, 2018

tamilsamayam.com

ஹைதராபாத் அணிக்கு எதிரான,தொடரின் முதல் பிளே ஆப் போட்டியில்,டுபிளசி கடைசி வரை போராடி கைகொடுக்க,சென்னை அணி 2 விக்கெட் வித்தியாசத்தில் வென்று,ஃபைனலுக்கு நேரடியாக தகுதி பெற்றது.

இந்தியாவில் கடந்த 2008 முதல்,உள்ளூர் கிரிக்கெட் தொடரான இந்தியன் பிரீமியர் லீக் (ஐபிஎல்) நடக்கிறது.இந்த ஆண்டிற்கான 11வது ஐபிஎல் தொடர் கடந்த ஏப்ரல் 7ம் தேதி முதல் துவங்கியது.

லீக் போட்டிகளின் முடிவில், பிளே-ஆப் சுற்றுக்கு வில்லியம்சன் தலைமையிலான,தோனி தலைமையிலான,தினேஷ் கார்த்திக் தலைமையிலான கொல்கத்தா நைட் ரைடர்ஸ்,ரகானே தலைமையிலான ராஜஸ்தான் ராயல்ஸ் அணிகள் முன்னேறியது.

இந்நிலையில் மும்பையில் நடந்த பிளே ஆப் சுற்றின் முதல் போட்டியில் சென்னை சூப்பர் கிங்ஸ், சன் ரைசர்ஸ் ஹைதராபாத் அணிகள் மோதின.இதில்,டாஸ் வென்ற சென்னை அணியின் கேப்டன் தோனி முதலில் ‘பீல்டிங்’ தேர்வு செய்தார்.

இதையடுத்து களமிறங்கிய ஹைதராபாத் அணியின் ‘டாப்-ஆர்டர்’ வீரர்கள் சொதப்ப,அந்த அணி, மளமளவென விக்கெட்டை இழந்து தவித்தது.அந்த அணி 20 ஓவரில் 7 விக்கெட்டுக்கு 139 ரன்கள் எடுத்தது.

எட்டக்கூடிய இலக்கை துரத்திய சென்னை அணிக்கு வாட்சன் ’டக்’ அவுட்டாகி ஏமாற்றினார்.பின் வந்த ரெய்னாவை (22) போல்டாக்கிய கவுல்,அடுத்த பந்திலேயே அம்பதி ராயுடுவையும் (0) போல்டாக்கி மிரட்டினார்.

இதையடுத்து சென்னை அணி 24 ரன்களுக்கு 3 விக்கெட்டை பறிகொடுத்து தடுமாறியது.பின் வந்த தோனி (9) ரசித் சுழலில் சிக்க சென்னை அணிக்கு மேலும் சிக்கல் துவங்கியது.தொடர்ந்து வந்த பிராவோ (7),ரவிந்திர ஜடேஜா (3),சகார் (10) வந்த வேகத்தில் பெவிலியன் திரும்ப,சென்னை அணி ஒட்டு மொத்தமாக ஆட்டம் கண்டது.

ஒருபுறம் விக்கெட் சரிந்தாலும்,மறு முனையில் டுபிளசி தனி ஆளாக போராடினார்.சீரான இடைவேளையில் டுபிளசி பவுண்டரி விளாச,சென்னை அணி 19.1 ஓவரில் 8 விக்கெட்டுக்கு 140 ரன்கள் எடுத்து 2 விக்கெட் வித்தியாசத்தில் வெற்றி பெற்று ஃபைனலுக்கு நேரடியாக தகுதி பெற்றது.

தோல்வியடைந்த ஹைதராபாத் அணிக்கு எலிமினேட்டரில் வெல்லும் அணியுடன் மோதி ஃபைனலுக்கு முன்னேற இரண்டாவது வாய்ப்பு உள்ளது.

பைனலில் சென்னை, ஹைதராபாத் போராட்டம் வீண்!

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்