September 23, 2017 
தண்டோரா குழு
டெல்லி முதல்வர் அரவிந்த் கெஜ்ரிவாலை தொடர்ந்து நடிகர் கமல்ஹாசன் மேற்கு வங்க முதல்வர் மம்தா பானர்ஜியை சந்திக்கவுள்ளார்.
சமீபகாலமாக நடிகர் கமல்ஹாசன் சமூக வலைதளங்களில் தமிழக அரசை விமர்சனம் செய்து வந்ததால், அரசிற்கும் கமலுக்கும் கடும் கருத்து வேறுபாடு இருந்து வருகிறது. தொடர்ந்து தான் அரசியலுக்கு வரவுள்ளதாகவும் தனி கட்சி தொடங்கவுள்ளதாகவும் கூறிவரும் கமல் தமிழகத்தின் முதல்வர் ஆவேன் எனவும் கூறியுள்ளார்.மேலும், ரஜினியுடன் சேர்ந்து அரசியல் களத்தில் பணியாற்ற தயாராக இருப்பதாகவும் தெரிவித்திருந்தார்.
இதற்கிடையில், கமல், கேரள முதல்வர் பினராய் விஜயனை சந்தித்தார். அப்போது அவர் நிருபர்களிடம் அரசியல் கற்றுக்கொள்வதற்காக சந்தித்தாகக் குறிப்பிட்டிருந்தார். அதன் பின் சென்னை வந்த அரவிந்த் கெஜ்ரிவால் கமலை அவரது இல்லத்தில் சந்தித்து பேசினார். அப்போது கமல் அரசியலுக்கு வரவேண்டும் என்று கெஜ்ரிவால் கூறியிருந்தார்.
இந்நிலையில் மேற்கு வங்க முதல்வர் மம்தா பானர்ஜியை கமல் சந்திக்க உள்ளதாக தகவல்கள் வெளியாகியுள்ளது. இதற்காக கமல் மேற்கு வங்க முதல்வர் மம்தா பானர்ஜியைச் சந்திக்க நேரம் கேட்டதாகவும், மம்தா பானர்ஜி அவருக்கு நேரம் அளித்துள்ளதாகவும் தகவல் வெளியாகியுள்ளது.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
