August 19, 2017 
தண்டோரா குழு
தெற்கு ரயில்வே சேலம் கோட்டத்தில் உள்ள ரயில்நிலையங்களுக்கு பல்வேறு பயணிகள் வசதிகளை இன்று மத்திய ரயில்வே அமைச்சர் சுரேஷ் பிரபு புதுதில்லியில் இருந்து காணொலிக்காட்சி மூலம் நாட்டிற்கு அர்ப்பணித்தார்.
சேலம் ரயில்நிலையத்தின் இரண்டாவது நுழைவு வாயில் வரை நீட்டிக்கப்பட்ட நடைமேம்பாலம், சேலம் ரயில்நிலையத்தில் முதல் நடைமேடை அருகே புதிதாக கட்டப்பட்டுள்ள நிலைய மேலாளர் அறை மற்றும் முக்கிய விருந்தினர் அறை, சாமல்பட்டி ரயில்நிலையத்தில் புதிதாக கட்டப்பட்டுள்ள நடைமேம்பாலம், ஆகியவற்றை அவர் இன்று திறந்து வைத்தார்.
இவ்விழாவில் சேலம் பாராளுமன்ற உறுப்பினர் வி. பன்னீர்செல்வம், சேலம் சட்டமன்ற உறுப்பினர் ஏ.பி.சக்திவேல், சேலம் ரயில்வே கோட்ட மேலாளர் ஹரிசங்கர் வர்மா, சேலம் கோட்ட அதிகாரிகள், ஊழியர்கள் மற்றும் ரயில் பயணிகள் ஆகியோர் கலந்து கொண்டனர்.
விழாவில் காணொலிக்காட்சி மூலம் உரையாற்றிய சுரேஷ் பிரபு ரயில்வே அமைச்சகம் தற்போது தமிழகத்தில் பல்வேறு ரயில்நிலையங்களில் பயணிகள் வசதிகளை மேம்படுத்தி வருவது குறித்து மகிழ்ச்சி தெரிவித்தார். மேலும் பல வசதிகள் செய்யப்படும் என்றும் நம்பிக்கை தெரிவித்தார்.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
