March 17, 2018 தண்டோரா குழு
‛சினிமாவில் மட்டுமல்ல; அரசியலிலும் ரஜினியுடன் வேறுபடுகிறேன்’ என மக்கள் நீதி மய்யம் கட்சியின் தலைவர் கமல்ஹாசன் தெரிவித்துள்ளார்.
தமிழ் சினிமாவின் முன்னணி நடிகர்களான ரஜினியும் கமல்ஹாசனும் தற்போது அரசியலுக்கு வந்துள்ளனர். இதனால் இருவரும் இணைந்து செயல்படுவார்களா என்ற கேள்வி அவ்வபோது எழுந்து வருகிறது.
இதுகுறித்து ஆங்கில நாளிதழ் ஒன்றிக்கு பேட்டியளித்த கமல்ஹாசன்,
ரஜினியின் அரசியலுக்கும் என் அரசியலுக்கும் வேறுபாடு தவிர்க்க முடியாதது. எனக்கு எந்த மதமும் கிடையாது. அனைத்து மதங்களையும் நான் சமமாக மதிக்கிறேன். திரைப்படங்களில் தனியாக செயல்பட்டது போல் அரசியலிலும் செயல்படுகிறேன்” என்று தெரிவித்துள்ளார். மேலும், “பல விஷயங்களில் ரஜினி கருத்து கூறாமல் இருப்பதற்காக அவரை கண்டிப்பது சரியல்ல என்றும் தெரிவித்துள்ளார் என்பது குறிப்பிடத்தக்கது.