August 16, 2018 தண்டோரா குழு
இந்தியா தனது சிறந்த மகனை இழந்து தவிக்கிறது எனமுன்னாள் பிரதமர் வாஜ்பாய் மறைவுக்கு ராகுல் காந்தி இரங்கல் தெரிவித்துள்ளார்.
இந்தியாவின் முன்னாள் பிரதமரும் பாஜக மூத்த தலைவர்களுள் ஒருவருமான அடல் பிஹாரி வாஜ்பாய் உடல் நலக்குறைவால் கடந்த 9 வாரங்களாக எய்ம்ஸ் மருத்துவமனையில் சிகிச்சை பெற்று இதற்கிடையில் வந்தார். வாஜ்பாயின் உடல் நிலை நேற்று மோசமடைந்தது. இந்நிலையில், இன்று மாலை 5.05 மணிக்கு டெல்லி எய்ம்ஸ் மருத்துவமனையில் அவர் சிகிச்சை பலனின்றி உயிரிழந்தார்.அவரது மறைவுக்கு பல்வேறு அரசியல் கட்சி தலைவர்கள் இரங்கல் தெரிவித்து வருகின்றனர்.
இந்நிலையில் வாஜ்பாய் மறைவு குறித்து காங்கிரஸ் கட்சி தலைவர் ராகுல் காந்தி தனது டுவிட்டர் பக்கத்தில்,
சிறந்த மகனை நாடு இழந்து விட்டது; மறைந்த முன்னாள் பிரதமர் வாஜ்பாய் கோடிக்கணக்கான மக்களால் விரும்பப்பட்டவர் மற்றும் மதிக்கப்பட்டவர். அவரது குடும்பத்தினருக்கு என் ஆழ்ந்த இரங்கல் என தெரிவித்துள்ளார்.