• Download mobile app
20 Feb 2019, WednesdayEdition - 1106
FLASH NEWS
  • இந்தியா தாக்குதல் நடத்தினால் பதிலடி கொடுப்போம் – பாகிஸ்தான் பிரதமர் இம்ரான் கான்
  • தமிழகத்தில் அதிமுக, பாஜக கூட்டணி அமைத்து போட்டியிடுவது திமுக கூட்டணிக்கு சாதகம் – திருமாவளவன்
  • “குற்றத்தை தடுக்கவும் சிசிடிவி உதவுகிறது” – ஆணையர் விஸ்வநாதன்
  • “உறுதியானது மகாராஷ்ட்ர பாஜக, சிவசேனா கூட்டணி
  • நாடாளுமன்ற தேர்தல் கூட்டணி குறித்து ஓரிரு நாட்களில் அதிமுக முடிவு அறிவிப்பு – ஓபிஎஸ்
  • உயிரிழந்த தமிழக வீரர்களின் இறுதி சடங்கில் பங்கேற்கிறார் பொன்.ராதாகிருஷ்ணன்
  • வீரமரணமடைந்த தமிழக வீரர்களின் உடல்கள் திருச்சி விமான நிலையத்திற்கு கொண்டு வரப்பட்டன…
  • இஸ்லாம் மதத்துக்கு மாறினார் டி.ராஜேந்தர் மகன்!
  • புல்வாமா பயங்கரவாத தாக்குதலில் வீரமரணமடைந்த தமிழக வீரர்களின் குடும்பங்களுக்கு பாரிவேந்தர் இரங்கல்

மாணவர்கள் மீது தடியடி : கமல்ஹாசன் கண்டனம்

October 10, 2018 தண்டோரா குழு

மனோன்மணியம் சுந்தரனார் பல்கலைக்கழகத்தில் கட்டண உயர்வை எதிர்த்தும்,தமிழில் தேர்வெழுத அனுமதிக்க கோரியும் போராடிய மாணவர்கள் மீது நேற்று போலீசார் தடியடி நடத்தியதற்கு கமல்ஹாசன் கண்டனம் தெரிவித்துள்ளார்.

நெல்லையில் இயங்கி வரும் மனோன்மணியம் சுந்தரனார் பல்கலைக்கழகத்திற்கு கீழ் நெல்லை,கன்னியாகுமாரி,தூத்துக்குடி மாவட்டங்களில் உள்ள 80க்கும் மேற்பட்ட கலை அறிவியல் கல்லூரிகள் செயல்பட்டு வருகிறது.இக்கல்லூரிகளில் வருகைப்பதிவு குறைவான மாணவர்களுக்கு அபராதம் வசூலிப்பது வழக்கம். ஆனால் சமீபத்தில் வருகை பதிவு குறைவான மாணவர்களுக்கான அபராத கட்டணத்தை பல்கலைக்கழக நிர்வாகம் உயர்த்தியது.

இக்கட்டணத்தை பொருளாதாரத்தில் பின்தங்கிய மாணவர்கள் செலுத்த முடியாது எனவும்,இக்கட்டண உயர்வை கண்டித்து மாணவர்கள் மனோன்மணியம் சுந்தரனார் பல்கலைக்கழகத்தின் துணைவேந்தரிடம் பேச்சுவார்த்தையில் ஈடுபட்டனர்.மேலும்,தமிழில் தேர்வு எழுத அனுமதிக்க வேண்டும் என்று மாணவர்கள் கோரிக்கையை முன் வைத்தனர்.ஆனால் துணைவேந்தர் மாணவர்களின் கோரிக்கையை நிராகரித்தார்.

இதனைக்கண்டித்து மாணவர்கள் நேற்று போராட்டம் நடத்தினர்.இந்த போராட்டத்தை கட்டுப்படுத்த போலீசார் அப்பகுதியில் குவிக்கப்பட்டனர்.அப்போது மாணவர்களுக்கும் போலீசாருக்கும் இடையே தள்ளுமுள்ளு ஏற்பட்டது.மாணவர்கள் போராட்டம் தீவிரமடைந்ததை தொடர்து அதனைக் கட்டுபடுத்த போலீசார் மாணவர்கள் மீது தடியடி நடத்தினர்.இதனைக்கண்டித்து பல்வேறு அரசியல் தலைவர்கள் கண்டனம் தெரிவித்திருந்தனர்.

இந்நிலையில் இச்சம்பவத்திற்கு மக்கள் நீதி மய்யம் கட்சியின் தலைவர் கமல்ஹாசன் ட்விட்டரில் கண்டனம் தெரிவித்துள்ளார்.அதில் “மனோன்மணியம் சுந்தரனார் பல்கலைக்கழகத்திற்கும்,மாணவர்களுக்குமான கருத்து வேறுபாட்டை,சுமூகமாகத் தீர்த்துவைக்கும் நடவடிக்கைகள் எடுக்காமல்,காவலர்கள் வன்முறையால் கட்டுப்பாடு ஏற்படுத்த நினைத்தது கண்டிக்கத்தக்கது.” என்று பதிவிட்டுள்ளார்.

மேலும் படிக்க