• Download mobile app
13 Dec 2018, ThursdayEdition - 1037
FLASH NEWS
  • சென்னை முழுவதும் 1.50 லட்சம் சிசிடிவி கேமரா : 24 மணி நேரமும் தீவிர கண்காணிப்பு..
  • ரூ.4 லட்சம் கோடி மதிப்பிலான விவசாயக் கடன்களை தள்ளுபடி செய்ய மத்திய அரசு திட்டமிட்டுள்ளதாக தகவல்!
  • புதிய தலைமைச் செயலக வழக்கை லஞ்ச ஒழிப்புத்துறைக்கு மாற்றிய அரசாணை ரத்து

ஏ.டி.எம் கொள்ளையில் ஈடுபட்ட 8 பேர் மீது குண்டர் சட்டம் – கோவை கமிஷனர் அதிரடி

January 13, 2018 தண்டோரா குழு

கோவையில் ஏ.டி.எம் கொள்ளையில் கைது செய்யப்பட்ட 8 பேர் மீது குண்டர் சட்டத்தின் கீழ் நடவடிக்கை எடுக்க கோவை மாநகர காவல் ஆணையர் பெரியய்யா உத்திரவிட்டார்.

கோவை பீளமேடு பகுதியில் கடந்த டிசம்பர் மாதம் 9ம் தேதி அடுத்தடுத்து மூன்று தனியார் வங்கி ஏ.டி.எம்கள் உடைக்கப்பட்டு 30 லட்ச ரூபார் பணம் கொள்ளையடிக்கப்பட்டது. இந்த கொள்ளை தொடர்பாக வடமாநில கொள்ளையர்கள் ஜில்பிகர், முஸ்டாக், மோசம்கான், சுபேர், அமித்குமார், சுபேர், முபாரக் , அமீன் ஆகிய 8 பேர் கைது செய்யப்பட்டனர். அவர்களிடம் மேற்கொண்ட விசாரணையில் தமிழகம் ,கேரளா ,கர்நாடகா போன்ற மாநிலங்களில் பல்வேறு இடங்களில் ஏ.டி.எம் கொள்ளையில் ஈடுபட்டு இருப்பது தெரியவந்தது. இதனையடுத்து ஏ.டி.எம் கொள்ளையில் கைது செய்யப்பட்ட 8 பேர் மீது குண்டர் சட்டத்தின் கீழ் நடவடிக்கை எடுக்க கோவை மாநகர காவல் ஆணையர் பெரியய்யா உத்திரவிட்டார்.

இந்நிலையில் கொள்ளை கும்பலிடம் இருந்து 3 லட்ச ரூபாய் பறிமுதல் செய்யபட்ட நிலையில் 27 லட்ச ரூபாயுடன் தலைமறைவான கும்பலின் தலைவன் அஸ்லாம் மற்றும் அவரது மனைவி கிரண் ஆகியோரை பிடிக்க உதவி ஆணையர் தலைமையில் தனிப்படையினர் ஹரியானா மாநிலம் நூஹ் மாவட்டத்தில் முகாமிட்டு இருந்தனர்.

ஆனால், ஒரு வாரமாக முகாமிட்டு இருந்தும் இருவரையும் பிடிக்க முடியாததால் தனிப்படையினர் நேற்று இரவு கோவை திரும்பினர்.

மேலும் படிக்க