October 22, 2016 
தண்டோரா குழு
அரவக்குறிச்சி, தஞ்சாவூர், திருப்பரங்குன்றம் ஆகிய தொகுதிகளில் நடைபெறும் தேர்தலை மக்கள் நலக் கூட்டணி புறக்கணிக்கிறது என்று கூட்டணியின் ஒருங்கிணைப்பாளரும் ம.தி.மு.க. பொதுச் செயலாளருமான வைகோ சனிக்கிழமை அறிவித்தார்.
கடந்த மே மாதம் நடைபெற்ற தமிழக சட்டப் பேரவைத் தேர்தலின்போது, வாக்காளர்களுக்குப் பணப் பட்டுவாடா செய்ததாக வந்த புகாரை அடைத்து, அரவக்குறிச்சி, தஞ்சாவூர் ஆகிய தொகுதி களுக்கான தேர்தலை தேர்தல் ஆணையம் ரத்து செய்தது. அதையடுத்து நடந்த தேர்தலில் திருப்பரங்குன்றம் தொகுதியிலிருந்து அதிமுக சார்பில் தேர்ந்தெடுக்கப்பட்ட சீனிவேல் உடல் நலக் குறைவு காரணமாக இறந்துவிட்டார். இதையடுத்து, காலியான அந்தத் தொகுதிக்கும் தேர்தல் நடத்தப்பட வேண்டும்.
தற்போது மூன்று தொகுதிகளுக்கும் வரும் நவம்பர் 19 ஆம் தேதி தேர்தல் நடத்தப்படும் என்று இந்தியத் தேர்தல் ஆணையம் சமீபத்தில் அறிவித்திருந்தது. இதில் போட்டியிடுவதற்காக பிரதான கட்சிகளான தி.மு.க., அ.தி.மு.க. ஆகியவை தங்களது வேட்பாளர்களை அறிவித்துவிட்டன.
“இந்தத் தொகுதிகளில் தேர்தல் நேர்மையாக நடைபெறாது. எனவே, மக்கள் நலக் கூட்டணி இத்தேர்தலைப் புறக்கணிக்கிறது” என்று அதன் ஒருங்கிணைப்பாளரான வைகோ அறிவித்துள்ளார்.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
