• Download mobile app
26 Mar 2019, TuesdayEdition - 1140
FLASH NEWS
  • “மக்களவை தேர்தலில் தமாகாவுக்கு சைக்கிள் சின்னத்தை ஒதுக்க முடியாது!” – தேர்தல் ஆணையம்
  • மக்களவை தேர்தல் பிரசாரத்திற்காக ஏப்ரல் 8ஆம் தேதி தமிழகம் வருகிறார் பிரதமர் மோடி
  • அமமுகவுக்கு குக்கர் சின்னம் ஒதுக்க மறுத்தது உச்சநீதிமன்றம்!”

ஜூன் மாதத்திற்கு தள்ளிபோகிறதா ரஜினியின் காலா?

April 16, 2018 தண்டோரா குழு

‘கபாலி’ படத்தின் வெற்றியை தொடர்ந்து இயக்குநர் ரஞ்சித் இயக்கத்தில்‘சூப்பர் ஸ்டார்’ ரஜினிகாந்த் நடிப்பில் உருவாகியுள்ள படம் காலா. இப்படத்தை ரஜினியின் மருமகனும், நடிகருமான தனுஷ் தனது சொந்த தயாரிப்பு நிறுவனமான ‘வுண்டர்பார் ஃபிலிம்ஸ்’ மூலம் தயாரித்துள்ளார்.

இப்படத்தில் முக்கிய வேடங்களில் ஹூமா குரேஷி, இயக்குநர் சமுத்திரக்கனி, ஈஸ்வரி ராவ் மற்றும் பலர் நடித்துள்ளனர். பாலிவுட் நடிகர் நானா படேகருக்கு வில்லன் கதாபாத்திரமாம். சந்தோஷ் நாராயணன் இசையமைத்துள்ள இதற்கு முரளி.ஜி ஒளிப்பதிவு செய்துள்ளார், சமீபத்தில், வெளியிடப்பட்ட போஸ்டர்ஸ், ஸ்டில்ஸ் மற்றும் ஃபர்ஸ்ட் லுக் டீசர் ரசிகர்களிடம் நல்ல வரவேற்பை பெற்றது.

இதையடுத்து, வருகிற ஏப்ரல் 27-ஆம் தேதி தமிழ், ஹிந்தி, தெலுங்கு ஆகிய 3 மொழிகளில் காலா படம் ரிலீஸ் செய்யத் திட்டமிட்டிருந்தது ‘லைகா புரொடக்ஷன்ஸ்’ நிறுவனம். ஆனால், தற்போது, தமிழ் திரைப்பட தயாரிப்பாளர் சங்கம் அறிவித்த ஸ்ட்ரைக் காரணமாக படத்தை ரம்ஜான் பண்டிகையை முன்னிட்டு இந்தாண்டு (2018) ஜூன் மாதம் 14 அல்லது 15-ஆம் தேதியில் வெளியிட படக்குழு முடிவெடுத்துள்ளதாக தகவல் கசிந்துள்ளது.

மேலும் படிக்க